無懼情人節 「獨」男自備節目︰一個人都可以!

on.cc 東網

【on.cc東網專訊】單身人士點過情人節?有網民於討論區發貼,指情人節的晚上,決定獨個兒前往石澳燒烤、睇日出,更將全個過程以圖、文直播,以行動表示︰單身一人也可好好過!


情人節當日,發貼者指希望能「搵啲嘢自己做下」,便決定到石澳燒烤及睇日出,其媽媽更為他預備兩袋炭,為「特備節目」展開序幕。


當天下午,他就出發購買燒烤食物及用品,不料卻遭店員揶揄︰「買一支叉就夠?唔係吓話,你玩我呀」、「你女朋友呢?又散?」,更有店員「祝福」他︰「情人節一個人燒得開心啲」。


不過這些說話,亦無損發貼者的決心。他將食物帶回家洗淨後,稍歇一會,便帶同相機、書本、睡袋等物品,駕車由屯門直駛到石澳。


為避開人潮,他於晚上約11時抵達石澳,「終於到,好多爐,仲有好多情侶」。不過發貼者未有理會旁人的目光,獨自享受一個人燒烤的時間︰「啲人咪望你幾眼,講真有咩一個人做到嘅,係唔可以一個人做?」


飽餐一頓,離日出還有數小時,發貼者「聽吓海哭的聲音,睇吓書,寫吓信」打發時間。最終順利等到日出,上載了多張日出照片,與網民分享喜悅,便打道回府。


發貼者最後多謝網民整晚的支持及陪伴,更勸各位「失意人」︰「做人最緊要開心,唔好俾(畀)無謂嘢困住自己喇」!


不少網民看過貼子後大讚發貼者豁達,佩服他能獨自燒烤「忍到旁人嘅目光」,亦不怕一個人於石澳過夜。更有網民祝福發貼者︰「下次要係兩個人去」。

---------------

《港呢啲》:大事小事騎呢事,東網嚴謹選題,輕鬆製作!

【更多即時新聞詳情請上東網新聞

你可能還想看