無綫惡搞姜濤惹不滿 何遠東疑講假歌手被狙擊 譚詠麟讚花姐教得好:帶Mirror上去聲夢交流下

·2 分鐘文章
無綫惡搞姜濤惹不滿 何遠東疑講假歌手被狙擊 譚詠麟讚花姐教得好:帶Mirror上去聲夢交流下
無綫惡搞姜濤惹不滿 何遠東疑講假歌手被狙擊 譚詠麟讚花姐教得好:帶Mirror上去聲夢交流下

早前無綫舉行「超級綜藝隆重登場」記者會,介紹九大新綜藝節目,宣布綜藝重頭節目《開心大綜藝》將於逢周日以直播形式播放,期間藝人鄧智堅喺記者會上惡搞MIRROR成員姜濤,跳住舞唱出姜濤歌曲《蒙著嘴說愛你》,鄧智堅仲改稱自己係「薑蓉」,同場麥美恩、馮盈盈、林盛斌等又打又鬧,馮盈盈仲大聲話:「你夠膽嚟踩場?」事件發生至今大批姜濤粉絲「姜糖」到各人社交網嬲爆留言。就算林盛斌(阿Bob)喺社交平台道歉,馮盈盈又話自己係「姜糖」都冇用。

截圖
截圖

今日又有網民發現記者會當日有一把男聲係鄧智堅出場時講︰「喂,你又係假歌手啊?」網民懷疑係何遠東把聲,更指呢句說話非常苛刻,何遠東一直都冇作出回應,網民紛紛到佢社交網站留言追擊話,對佢好失望同要求佢道歉,例如:「道歉啊!唔好以為可以置身事外!」、「假演員 真白卡」、「你做降魔的做得好好 估唔到你會衝口而出話人假歌手 對你好失望...」、「道歉啦 其他人都道左歉 話人假歌手喎?」、「以為無人識你就可以避過一劫?」、「奀星。。。」、「你又係假演員呀?」及「話人假歌手,你先係假演員,本身都叫唔出你個名趁今次先多啲人知你係咩水」等等。

另外,姜濤喺接受傳媒訪問時,大方回應話唔覺得唔尊重,好開心有人認識會然後咁去做,仲代部份激動粉絲講對唔住。唔少人都大讚姜濤大方得體,當中包括譚詠麟,佢喺微博留言讚姜濤及話叫Mirror有機會上去聲夢交流:「少見的年輕一代藝人回答得那麼大方得體有氣量及風度,大事化小、小事化無 經理人花姐教得好 加油!有機會帶Mirror 上去聲夢交流下,大家良性切磋百花齊放重振昔日香港樂壇!」

譚詠麟微博
譚詠麟微博
何遠東
何遠東
何遠東
何遠東
姜濤
姜濤
姜濤
姜濤

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!