無綫新綜藝《盛·舞者》下周首播 被網民指抄橋：又抄大陸？

TVB又有新綜藝節目啦！今次係香港第一次搞嘅跳舞真人騷《盛·舞者》，節目將於下星期一（5日）十點半首播，節目搵嚟排舞師麥秋成、狄以達及王君馨做主持，之前已經進行招募要邀請街舞者及藝人參加。

參賽者需要進行街舞大對決，爭奪巨獎。早前天堂鳥（BOP）前成員Gordon（葉泓聲）已透露會參加，而TVB宣傳片亦見到女子組合BINGO成員關嘉敏及Odi，估計佢哋都係參賽者之一。有網民發現TVB近來嘅綜藝節目都同大陸節目好相似，今次嘅《盛·舞者》就同內地舉行咗好多季嘅《這就是街舞》有9成相似，唔少網民仲留言話抄橋，例如「又係抄大陸跳舞節目，唉！」、「街舞興左咁耐，而家先有節目推出。」、「又抄大陸？」、「好可悲 以前成日話大陸炒人 點知依家賤到要學大陸野」及「香港喎,仲要TVB搞,到時搞到兩頭唔到岸到時醜出國際就唔好啦,唔搞好過搞啦.」不過同時都有唔少網民表示期待，唔知呢個跳舞綜藝節目可唔可以嬴得話題，提高返個收視率呢?

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！