無綫港台破天荒合辦頒獎禮 曾志偉:今日踏出第一步

·3 分鐘文章
無綫港台破天荒合辦頒獎禮 曾志偉:今日踏出第一步

無綫與港台破格首度合辦《香港金曲頒獎典禮 2021/2022》,今日(5日)在將軍澳電視城舉行記者會,獲雙方代表、業界機構、各大唱片公司數十位歌手等人出席,並宣布將於4月3日在九展舉行頒獎禮。獎項由觀眾網上投票及各界專業音樂人投票,到時將頒發13個類別獎項,包括「香港金曲金曲獎」、「香港金曲男歌手大獎」、「香港金曲女歌手大獎」等。

無綫總經理曾志偉在台上謂:「今日係樂壇盛事,期待做個有公信力、認受性嘅頒獎禮,一直想合併做一個樂壇頒獎禮,今日都未做到,但今日踏出第一步,希望日後同更多唔同媒體合作,樂壇頒獎禮應有新局面,應該畀全世界投票同參與。」然後志偉就與副廣播處長施金獎進行揭幕儀式。

曾志偉之後與港台代表何重恩受訪,講到今次兩台合辦頒獎禮,何重恩表示:「想推動樂壇,無綫覆蓋率高,我哋電台都好多聽眾,所以合拍天衣無縫。」曾志偉說:「我對音樂有情意結,想舉辦一個有公信力嘅頒獎禮,雖然困難重重,但行咗先。」何重恩表示:「張文新10年前都同張學友講過想四台合辦,雖然未達到最終目標,但今日係第一步。」

問到MIRROR及ERROR可會參與頒獎禮?何重恩表示:「其實記者會有請佢哋嚟,但佢哋太忙嚟唔到,希望到時頒獎禮可以參與。」志偉亦表示:「希望咁多位歌手可以參與,以前廣東歌地位好高,希望大家自己人可以支持,重拾以前光輝。」但講到頒獎禮當日撞正Anson Lo及鄭欣宜的音樂會,問到可是人到才有獎?何重恩說:「唔係嚟唔嚟嘅問題,我哋有個完善嘅選舉制度,選出最好聽嘅歌同埋最受歡迎嘅人。」志偉亦補充:「正如1月1號姚焯菲同炎明熹都有演唱會,但佢哋都有去叱咤。」

講到今次評分機制,何重恩表示:「我哋中文榜每年都會有入榜歌,TVB都有佢哋嘅榜,統計咗之後我哋就會集合一個選舉名單,到時就有專業評審同埋民意調查,加埋總分就會得出得獎者,係公平透明嘅機制。」問到今次合併是一次性還是永久性?志偉表示:「一次性係指我哋兩個平台,但永久性就希望更多台、更多合作夥伴,希望更多人支持。」志偉又話歡迎MIRROR等人可以上《勁歌金曲》等音樂節目,而Chantel等人如果受邀請亦可以上ViuTV的《Chill Club》。志偉又提到頒獎禮選擇在4月初舉行,是要避開4月中的金像獎,希望觀眾能夠睇晒兩個頒獎禮。

大合照時,期間司儀李浩林提議台上數十嘉賓及歌手除口罩,因現時疫情再度嚴重,一眾歌手即十分猶豫,志偉及樂易玲有都除,但在工作人員提醒下秒速戴番,最後眾人齊齊繼續戴口罩影相。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能