無綫超級綜藝大晒冷! 志偉「九豬連發」響頭炮

東方日報
·4 分鐘文章
一眾藝人進行「九豬連環」切燒豬儀式,象徵9個綜藝節目隆重登場!
一眾藝人進行「九豬連環」切燒豬儀式,象徵9個綜藝節目隆重登場!

無綫昨日舉行記者會,將9個不同類型的全新超級綜藝節目大晒冷!其中《開心大綜藝》是相隔10多年後再有大型綜藝娛樂直播節目,希望更貼近觀眾,為大家帶來歡樂。活動上,志偉與祖藍更率領一眾藝人進行「九豬(珠)連環」切燒豬儀式!

無綫昨日舉行「超級綜藝 隆重登場」記者會,宣布將於4月5日起隆重推出9個全新超級綜藝節目,分別是大型綜藝娛樂直播節目《開心大綜藝》、新聞資訊節目《尋人記》、《艾粒x農夫特備節目》、配音真人騷《好聲好戲》、音樂真人騷選秀節目《聲夢傳奇》、媽媽吐心聲的《日日媽媽聲》、知己歡聚清談節目《諸朋好友》、音樂格鬥場《演鬥聽》及全新的《勁歌金曲》,並史無前例進行「九豬(珠)連環」切燒豬儀式,代表9個綜藝節目登場,場面熱鬧,馬來西亞方面更即場直播此記者會。

小方度橋標晒汗

今次9大節目隆重登場,是無綫副總經理(綜藝、音樂製作及節目)曾志偉、集團首席創意官王祖藍及星夢娛樂集團有限公司行政總裁何麗全上任後推行的大改革,當中志偉表示,《開》這個直播節目與觀眾同步了解香港發生的事,問到節目是否像當年的《歡樂今宵》?他說:「未係全部,會有搞Gag、扮嘢、玩遊戲、唱歌、訪談,希望星期日晚有綜藝節目,觀眾可以坐喺屋企食飯睇電視。如果有奧運選手、國際巨星,可以畀佢哋上嚟呢個節目宣傳同表演。」問到是否繼《歡》後相隔10多年再有直播綜藝節目?他說:「都係,好耐冇Live騷,係好大挑戰,唔敢講做得好,但一定要踏出第一步。」

《開》有多位主持,包括馮盈盈、方力申、江美儀、麥美恩、吳若希及農夫等,其中小方坦言《美女廚房》後,今次是相隔10多年再做綜藝節目,要有心理準備:「開會時演藝畢業嗰啲全部好勁,百般武藝,即場反應又好快,搞到我出晒汗!」講到新節目是現場直播,他重提當年與葉璇主持奧運的「罵戰」:「就係因為Live騷出事!其實當時我哋度緊稿,大家誤會咗10幾年,好想澄清番。(驚再講錯嘢?)好驚呀!」

另外,與陳瀅傳緋聞的他被踢爆玩交友App,江美儀更大爆:「尋日開完會好多女同事要坐佢順風車,其中仲有港姐冠軍!」問到是否馮盈盈?小方即避談,重提交友App:「玩到畀人投訴,要我影相認證自己!所以嗰啲緋聞係假,我係單身,如果有拍拖就畀人扭耳仔啦!(陳瀅會唔會嬲?)我哋係朋友,佢都知我玩交友App。」

馮盈盈怕直播亂噏闖禍

對於被爆開完會坐小方的順風車離開,盈盈解釋:「尋日同麥美恩冇揸車,所以一齊坐方力申架車出將軍澳,同車仲有佢嘅女助手,佢1個人車3個女仔出去,好有風度。」又指開會後發現主持有很多「表演」:「要度橋、排練,好多嘢做,尋日開完會方力申驚到胃痛離場,我就頭痛住走。(驚唔驚直播講錯嘢?)好驚呀,我恃住錄影亂講嘢!」問到拍檔農夫會否幫她兜?C君抵死說:「佢講錯嘢仲幫佢兜?梗係即刻現場重播啦!」盈盈即記起當年選港姐時講錯說話,當時亦是農夫做主持,陸永笑說:「但當年講錯嘢都贏到!」

志偉與祖藍上任大展拳腳!
志偉與祖藍上任大展拳腳!
方力申被踢爆香車載美人,同盈盈孖住走!
方力申被踢爆香車載美人,同盈盈孖住走!
方力申
方力申