無綫馬拉松式迎東奧 王浩信陳豪雙視帝振士氣 炎明熹連踩2日

·2 分鐘文章
王浩信熱愛唱歌,希望疫情過後有更多機會唱Live。
王浩信熱愛唱歌,希望疫情過後有更多機會唱Live。

為迎接東京奧運會,無綫連日來鋪天蓋地舉行相關活動,更派藝人到日本採訪。除了昨午舉行《2020東京奧運開幕典禮 全情READY!》外,晚上更出動「雙視帝」陳豪和王浩信為活動撐場。至於剛出爐的「聲夢傳奇新星」炎明熹連踩2日造勢,齊齊激起奧運士氣!

陳豪、王浩信、黃翠如與朱晨麗(朱朱)、胡鴻鈞等昨晚出席奧海城《全城齊睇東京奧運開幕禮》,現場有不少粉絲圍觀,信和集團資產管理董事蔡碧林(Bella)到場支持。王浩信打頭陣唱歌贈興,炒熱現場氣氛。他感動說:「我真係好鍾意唱歌,現場觀眾掌聲原來咁重要,希望疫情快啲完,可以再唱現場。」他表示會留意劍擊項目:「因為我嘅工作室簽咗劍擊港隊隊員佘繕妡,希望佢喺運動事業有更好發展。我開緊劇,唔可以去東京現場為佢打氣,但會睇直播支持佢。」

陳豪練舉重

提到早前他做網上直播時,女兒罕有入鏡,他說:「囡囡好想睇我直播同邊個傾偈,佢只係出咗半秒,估唔到大家Keep低。」而陳豪表示支持中國舉重隊,笑言自己最近練舉重,舉起3個小朋友及太太陳茵媺都沒有問題。提到太太經常網晒水着相騷身材,他說:「啲相我親自操刀,等大家食吓冰淇淋,我唔介意。」

朱朱表示小時候希望到現場觀看賽事,很佩服運動員的堅持,又透露早前與今屆候選港姐入營受訓,分享了選美貼士:「其實我心目中已經有3甲人選!」至於翠如老公蕭正楠於社交網表示將離港,叫大家給老婆食物,翠如笑言:「佢今日已經出發隔離緊,預計去兩個幾月。(你真係冇嘢食?)佢成日都覺得我存活唔到!整嘢食唔難,佢都交帶咗住附近嘅朋友邀請我食飯,我就想堅持每日跑步,跑到老公返嚟。」

唔羨慕姚焯菲

至於「新人王」炎明熹(Gigi)連日來出席活動宣傳東奧,昨日她受訪時表示不疲倦,笑言可累積經驗。提到有傳姚焯菲有機會拍電影,問到可會羨慕?她說:「唔會,各自有工作。如果佢真係拍戲,會叫佢加油。」再問她會否學戲?她坦言想,亦會請教前輩。對於MIRROR昨日出席活動,吸引5千粉絲到場,她說:「我啲fans今日都有嚟支持,好開心。MIRROR係前輩,佢哋有一定實力先可以儲到咁多fans。」

陳豪近期練舉重,笑言可同時舉起老婆和3子女。
陳豪近期練舉重,笑言可同時舉起老婆和3子女。
前晚炎明熹於直播節目載歌載舞。
前晚炎明熹於直播節目載歌載舞。
忙個不停的炎明熹,昨日以同一打扮出席活動。
忙個不停的炎明熹,昨日以同一打扮出席活動。
黃翠如(左)與朱晨麗喜歡看體操、韻律泳及單車項目。
黃翠如(左)與朱晨麗喜歡看體操、韻律泳及單車項目。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能