無遊客餵飼 奈良鹿闖入農民家食蔬菜 破壞農作物
之前一直都有新聞報道,日本奈良公園嘅鹿群因為疫情期間無遊客餵飼而要捱餓。
近日有新聞就指出奈良鹿群由於太過飢餓,轉移至市區搵食,有好心居民因為屋企有蔬菜於是拎去餵鹿,結果令鹿群由習慣食鹿餅變成食菜,更開始自行走入農田等地方搵蔬菜食,破壞農民農作物。農民當然大感不滿,並正式向有關政府部門申訴,要求正視問題,處理鹿群四處遊蕩問題。
今次事件由日本作家中村文人貼出,唔少網民睇完都話食蔬菜畀鹿食係「好心做壞事」,其實要解決鹿群問題一定需要政府出手,可能將鹿群分批轉移去鄉郊,又或者覓地建一個臨時居所再提供食物都可以。
相關文章: