熊出沒?北海道用機械狼保護遊客 效果顯著
講到熊,大家可能覺得好可愛,但如果不幸喺日本郊遊時見到都咪話唔得人驚,因為每年都有遊人被熊攻擊嘅案例出現。
近月於北海道瀧川市郊區,就出現有熊攻擊遊客事件,當地政府為安全計向一間公司買入一隻機械狼放於熊出沒地區,機械狼唔單止外表披上毛皮及有一雙紅眼,同時具有動作探測器,一旦感應到範圍內有其他生物就會發出狼嚎及其他60多種聲音,以求嚇走入侵物。果然自從機械狼投入服務後就再無熊出沒事件,而事實上機械狼公司已經生產過70多隻機械狼並放置於不同地方,不過今次就係首次用作保護遊客之用,其餘都用作農田之中充當「稻草人」。每隻機械狼售價只為51萬日圓(約35,000港元),並正式投入量產呢。
相關文章:
本地好去處鬼滅之刃期間限定店登陸尖沙咀-10-米長打卡牆同四大主角自拍