【熱血合唱團】劉德華喜歡與新演員合作:佢哋畀到唔同嘅感覺我

香港01
【熱血合唱團】劉德華喜歡與新演員合作:佢哋畀到唔同嘅感覺我
【熱血合唱團】劉德華喜歡與新演員合作:佢哋畀到唔同嘅感覺我

電影《熱血合唱團》今日(20日)於國際影視展舉行發佈會,影帝劉德華攜一眾新演員,以及吳岱融、盧冠廷、謝君豪、雷頌德、關禮傑、李麗珍等演員出席。發佈會中更首次公開電影預告,劉德華化身指揮家嚴sir,帶領33名中學廢青組成的合唱團參加校際合唱團比賽,光是預告片就已經教人動容。當華仔被問到有沒有看過這麼型的指揮家,華仔笑說:「日日喺鏡到都見到!」

電影發佈會中還公開了一眾素人演員排練時,劉德華驚喜登場的片段,當中更有人激動到落淚,被問到當時的感受,王智騫說:「我哋訓練咗大概個零月,唱歌、排戲、走位都有,一直都冇人同我哋講邊個飾演嚴Sir,去到Training最後一日,一打開門就見到劉生,第一刻係講唔到嘢,因為未見過劉德華先生真人!」

劉德華今次與一大班年輕素人合作,大讚他們的表現:「喺套戲裡面嘅演出我覺得非常自然,好達到戲裡面嘅要求。我自己幾鐘意同新演員合作,因為好多時佢哋會畀到唔同嘅感覺我,成日拍檔嘅可能會比較有默契,但衝擊出嚟嘅嘢每一次都差唔多,但同新人合作有時真係諗唔到,唔知點解佢哋咁演,但我哋又要配合佢哋。」華仔又分享自己的感受:「我之前都冇諗過可以教人,唔知道先生應該點,一路從細個都好抗拒先生,但拍戲嘅時候,佢哋又會問我呢樣嗰樣,又好似真係有啲嘢同佢哋交流到。」

點擊瀏覽《香港01》更多內容和圖集

你可能感興趣:
【劉德華演唱會】終於申請到2020年紅館檔期! 即睇補場安排
【熱血合唱團】事前不知劉德華參演 林愷鈴:好多人喊得好犀利!