燒蟹谷出寄生蟲影片 原來係流料?

 

早兩日有條片瘋傳,內容係拎隻蟹上炭火度燒,結果谷出一條條寄生蟲。呢啲片毫不意外地喺屋企whatsapp group出現,長輩亦毫不意外地用條片提醒家人們「小心飲食」、「海鮮要徹底煮熟」。   但係,呢個年代,fact check真係好緊要。因為條片,其實有伏味。唔係話內容虛構,而係片入面嘅蟹,貌似生活於淡水環境嘅哲氏暹羅蟹 (Sayamia Germaini)根本淡水蟹本身就係好多寄生蟲嘅宿主,而喺香港同台灣,民眾好少會食呢啲蟹。

即係話,淡水蟹生蟲係正常,而我地又唔會食呢啲蟹,所以中招機會好低。 不過台灣就有幾間傳媒中晒招,將呢單消息當做網上新聞咁報…   預防食蟹生蟲,除咗留意來源,最緊要梗係煮熟。咁預防假新聞呢?咪就係要fact check同埋唔好人講就信囉。原post傳送門