「爆喊」黎寬怡勁失禮 為影合照9秒9撇白彪

·2 分鐘文章
「爆喊」黎寬怡勁失禮 為影合照9秒9撇白彪
「爆喊」黎寬怡勁失禮 為影合照9秒9撇白彪

《萬千星輝頒獎典禮2020》曲終人散,近日陸續有唔同嘅花絮出爐,無綫搵嚟一班主持做後台直播,當中《東張西望》嘅「爆喊主持」黎寬怡竟被發現失禮街坊,事關佢訪問到「最佳男配角」白彪嘅時候,竟然為咗影合照而9秒9閃人,淨低前輩白彪呆企鏡頭前,即被網友喪插佢唔識尊重人兼冇禮貌!

黎寬怡原本同白彪做訪問…
黎寬怡原本同白彪做訪問…

喺後台直播中,黎寬怡原本同白彪做訪問,訪問結束之後有位工作人員同佢講咗句:「可以影相喇!」點知黎寬怡竟然一個華麗轉身將咪牌塞畀另1位工作人員,仲大叫一聲之後閃人!白彪亦畀佢嘅舉動嚇親,六神無主咁擰轉頭跟對方一齊跑,搞到揸cam哥哥都要出口叫住「彪哥!彪哥!彪哥……」佢先停落嚟回頭,一臉茫然,然後再由工作人員帶引離開。

雖然係做完訪問,不過拜拜都要講句啩?
雖然係做完訪問,不過拜拜都要講句啩?
「可以影相喇!」
「可以影相喇!」
9秒9閃人呀喂~
9秒9閃人呀喂~

片段於網上公開後,網友即大鬧黎寬怡好失禮,冇禮貌兼唔識得尊重:「前輩都未走開,佢就自己跑走」、「真係好唔識大體,出唔到大場面」。

咁到底佢要影咩合照咁緊要?
咁到底佢要影咩合照咁緊要?
有龔嘉欣。
有龔嘉欣。
仲有左2起:賴慰玲、蔣家旻、朱敏瀚
仲有左2起:賴慰玲、蔣家旻、朱敏瀚
不過佢咁緊張,應該係為去影呢張《東張西望》「全家福」。
不過佢咁緊張,應該係為去影呢張《東張西望》「全家福」。

黎寬怡自出鏡以嚟,一直表現「出位」,佢最令人印象深刻係曾喺訪問期間爆喊,訪問張衞健時太緊張喊咗出嚟,跟手佢訪問黃宗澤又喊,連佢拍《東》時去老人院試着約束衣都喊。

訪問張衞健時太緊張喊咗出嚟…
訪問張衞健時太緊張喊咗出嚟…
試着約束衣又喊…
試着約束衣又喊…

【相關搜尋】黎寬怡

【相關搜尋】《東張西望》女神