爆笑點低幫唔到手 張衞健怪老婆過分美麗

·2 分鐘文章
首次求婚冇花之餘得條虧佬褲,張茜梗係唔收貨!
首次求婚冇花之餘得條虧佬褲,張茜梗係唔收貨!

藝人張衞健口才了得,憑一句:「老婆張茜的缺點是太靚!」便知道功力有幾強!他口中的張茜內外兼備,唯一缺點是笑點低,無論講甚麼也會笑一餐,揚言無法以她做試戲對象。

張衞健(Dicky)是圈中出名的愛妻號,對張茜感情之深,可以從接受東網巨星炮製的節目「海馬牌床褥特約」《閨蜜睡房之Brother來了》的訪問中獲知一二!他跟主持俞詠文(Angela)指張茜的「缺點」是太靚:「所謂嘅靚,就係佢嘅外在,呢個唔使講啦!但係細水長流嘅時候就要睇內在,喺我同佢開始細水長流之前,已經發現佢嘅內在有相當嘅價值,覺得都係唔錯嘅,內加埋外嘅總分,相對嚟講喺市場上面,係我比較少見到咁高分。(即係內外都咁正?)我敢唔咁講咩?」

Dicky特別提起老婆的幽默感,明褒暗貶張茜的笑點低:「佢不嬲幽默感好高,但唔係佢發出,係佢接收,真係乜都可以笑一大餐!我喺屋企寫劇本,度咗啲乜嘢都會畀佢睇,佢都會笑到飛起,即刻有自信啦!拎嗰段嘢去片場,但排戲上嚟冇人有反應嘅?點解屋企嗰位笑得咁交關?第二次又整段嘢畀佢聽吓,又笑,去到片場都有人笑,但冇老婆笑得咁癲囉!」久而久之終於明白:「跟住我冇搵佢作準則啦!笑點太低。」

着虧佬褲求婚 被「彈鐘」

提到當年向張茜求婚,Dicky自嘲唔得體被退貨,皆因當時在家冇花冇戒指,僅穿一條穿窿肉色虧佬褲便求婚,結果張茜詐晒型,需要求婚Take Two。至於一班BIG FOUR隊友,Dicky笑言一講麻煩友,想也不想便是蘇永康,大家想知道如何數蘇永康?記得收睇每逢星期五、六、日更新一集的《閨蜜睡房》喇!

張衞健讚張茜內外兼備,如果笑點高啲就滿分!
張衞健讚張茜內外兼備,如果笑點高啲就滿分!
張衞健接受主持俞詠文訪問,係咁讚老婆。
張衞健接受主持俞詠文訪問,係咁讚老婆。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能