爆華仔有問再合作拍戲 關之琳:我冇畀反應佢

星島日報
關之琳仲爆華仔養傷有囡囡陪沒呻悶。
關之琳仲爆華仔養傷有囡囡陪沒呻悶。

【星島日報報道】關之琳(Rosamund)出席品牌活動,穿側開連身衣的她密實中帶性感,她笑言著得輕鬆,亦稱如出席私人派對可穿得大膽些,但因現時手機普及,怕被攝入鏡頭放上網故要舉止謹慎,她自言屬貪靚之人,會維持體重上落不超過10磅。她說:「我連落街攞信都要著得靚,身材要靠做運動keep住,食野食兩啖試味就算。(這規律的生活與你好友劉德華很相似?)佢更有規律,會食齋,我是食肉獸。(有聯絡?)有去探佢,恭喜佢可以企番起身,佢意志力強,會快好番。(他瘦了很多?)不算瘦。(工作狂的他有沒有呻悶?)未,因有小朋友陪,休息下諗下新計劃。」

問到華仔有否提出與她合作拍戲?Rosamund說:「有問過,我冇咩表情,冇畀反應佢,好劇本可遇不可求。(合唱呢?)嘩!冇啦!我唱歌唔好啦!」(攝影:鄧國良)

睇更多

其他內容