爭入港姐決賽 熱門心情忐忑 陳聖瑜臨陣淆底 王嫿嫿自潑冷水

·2 分鐘文章
陳聖瑜一直維持熱門姿態,進入決賽料無懸念。
陳聖瑜一直維持熱門姿態,進入決賽料無懸念。

港姐準決賽將於今晚舉行,候選佳麗賽前難免心情複雜。梁允瑜昨綵排時繼續負傷上陣變相「讓賽」,而陳聖瑜則突然擔心臨場表演失準,王嫿嫿更因廣東話差,自嘲似「機械人講嘢」。位位大熱「笠水」,令今晚賽事隱藏無限變數。

《We Miss Hong Kong香港小姐競選準決賽》將於今晚舉行,20位佳麗昨進行泳裝綵排,除大熱「雙瑜」陳聖瑜及梁允瑜外,王嫿嫿及莫韻諰亦狀態大勇。由頭帶到尾的陳聖瑜受訪時卻謙稱進步微:「我係講嘢改善咗,但問答環節好睇臨場發揮,都擔心失準。」不諳廣東話的王嫿嫿說話緩慢兼間中詞不達意是「致命傷」,她坦言:「我會講慢少少,希望評判同司儀聽我講嘢唔會瞓着。」

梁允瑜唔會爆粗

另一大熱梁允瑜與王嘉慧不約而同傷腳,2人昨負傷兼穿高跟鞋綵排。梁允瑜說﹕「要打止痛針頂住,雖然打完會暈,但都冇計,聽晚我會除護踭上台。(仲跳到舞及綵排?)工作人員好緊張唔畀我練,但我係1號要記熟走位,否則後面嘅佳麗會錯晒。(擔心到時痛到講粗口?)我唔會喺呢個時候宣揚廣東話文化。」

陳懿德及余詠童上圍34吋半,同屬有料之人,當談到港姐真人騷內以Deep V泳衣上陣,陳懿德表示:「其實嗰件泳衣多布可以遮吓肚腩仔,上落水我都驚走光。我一直好努力,2個月減咗16磅。」余詠童則透露由129磅減到112磅,對於被指「鼻大」,她坦言讀書時被同學笑足6年,但沒有考慮整容:「啲人話係福氣,而且我接受到。(歷年多位港姐冠軍嘅號碼都係17號,令你信心大增?)冇諗咁多,17都係我嘅幸運號碼,當然希望可以走得更遠。」

港姐合唱主題曲

另外,20位佳麗今晚以黑白彩色時裝、才藝表演服飾、泳裝及晚裝等不同造型上陣,並會分為紅、綠、橙及粉紅4組與師姐領隊進行才藝表演,競逐進身決賽的12個席位。錢嘉樂則帶領一眾小鮮肉包括丁子朗、黃庭鋒、周嘉洛及吳偉豪組成嶄新司儀陣容,狄易達會與一班「盛.舞者」表演歌舞,多位歷屆港姐會聯同謝嘉怡獻唱港姐主題曲。

蹩腳的廣東話是王嫿嫿再進一步的障礙。
蹩腳的廣東話是王嫿嫿再進一步的障礙。
陳懿德(左)及余詠童所穿的泳衣未能凸顯驕人身材。
陳懿德(左)及余詠童所穿的泳衣未能凸顯驕人身材。
梁允瑜(左)與王嘉慧期望克服傷患,爭取最好表現。
梁允瑜(左)與王嘉慧期望克服傷患,爭取最好表現。
20位佳麗於今晚一比高低,將有8人冇得留低。
20位佳麗於今晚一比高低,將有8人冇得留低。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能