爭女新版本︱潘梓鋒疑暗撻《3日2夜》索女怒打「賈明昇」

·1 分鐘文章
爭女新版本︱潘梓鋒疑暗撻《3日2夜》索女怒打「賈明昇」
爭女新版本︱潘梓鋒疑暗撻《3日2夜》索女怒打「賈明昇」

無綫節目《東張西望》主持潘梓鋒(Bryan)日前突傳出因與圈外女友嘅前度發生肢體碰撞而被捕,即時停工,周三(18日)就有指Bryan其實已婚並育有一女,當日係同老婆前度發生肢體碰撞,而該前度亦係圈中人。點知到咗今日(21日)就有傳Bryan其實係同《3日2夜》女主持吳紫韻(Purple)秘密拍拖,事發當日,Purple約咗《愛.回家之開心速遞》「賈明昇」鄒兆霆上屋企食飯,Bryan就誤以為女方出軌,一怒之下出手打人,後來Bryan即向對方道歉,但係鄒兆霆都係報警求助。另外,又有另一說法,指潘梓鋒只是跟普通人發生碰撞。雖然傳聞多多,但事件已進入司法程序。

咁啱上月嘅《明星運動會》中,Bryan就係同鄒兆霆出戰拳擊賽對打,二人當時攬頭攬頸合照,表現融洽。今日(21日)Bryan回覆東網時未有多講:「有心,謝謝。」而「女主角」Purple則對傳聞表現錯愕,回應東網時更透露二人僅公司同事:「唔知道呀,都係公司同事,公司聚會見面,你哋搵我都好愕然!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能