父女同屆爭獎 姜麗文感動到喊

東方日報
·1 分鐘文章
姜麗文與爸爸秦沛如果齊齊攞獎,咁就雙倍開心了!
姜麗文與爸爸秦沛如果齊齊攞獎,咁就雙倍開心了!

姜麗文首度提名《萬千星輝頒獎典禮》最佳女配角,大感興奮,她說:「因為除咗我,爸爸(秦沛)同四叔(姜大偉)今年都一齊有提名,成件事好Sweet!知道呢個消息嘅時候拍緊劇,我感動到眼濕濕,但又唔敢畀人知。入咗行13年,但加入無綫只有幾年,有份角逐好感恩。」

正拍攝新劇《白色強人Ⅱ》的她,稍後要到內地取景,預計拍到5月。工作密麻麻,未婚夫有否投訴?她說:「冇,佢仲忙過我!佢做室內設計,工作冇受疫情影響而減少,但就變咗Home Office。我都好鍾意室內設計,見到佢做嘢,我又會湊熱鬧睇吓。」