牛佬友情歲月古惑仔漫畫主題冰室開張 浮雕像+牆畫+龍頭寶座打卡

Really很開心,「友情歲月古惑仔漫畫主題冰室」擒日正式開張了,作為牛佬Fans,我當然有去捧場喇。叫得主題餐廳,裝潢果然無令人失望,地下大堂嗰幅「友情歲月」剪影畫已經係第一個打卡位,沿樓梯直上,兩邊牆有好多複製主角肖像畫,襯埋懸吊半空嘅四方形燈盒,淨係呢條樓梯都有排影相呀。上到去,收銀機側邊有個迷你展覽廳,裡面除咗有大量歷年精品同公仔書外,張龍頭寶座就梗加要坐一坐吓喇喂。行番出嚟,有大飛加陳浩南加細細粒半浮雕全身像,老實面相只係一般似,但一樣影相影得我好開心。再行入去,打卡位多到爆,牆身有大量原稿複印畫、牛佬加倫裕國文字簡介、複印電影海報、擺滿古惑仔紅酒嘅酒櫃,連檯面都見到一眾《古惑仔》角色影子,侍應們制服印埋角色名字,又係好過癮啫。Menu亦係一絕,做到成本公仔書創刊號咁,初初拎上手,我都俾佢Fake一Fake,以為係甚麼開張限定版港漫,打開,搵同角色有關嘅餸菜名,最搶眼者無疑係細粒粒紅豆冰,不過我怕甜,無Order到,反而Order咗腐乳雞翼餐同芝士鮮牛肉麵餐,認真Mode,$50唔使一個下午茶餐嚟講,性價比超高。As a conclusion,食物水準唔曳,裝修超班地方夠大坐得舒服,我畀99分。扣嘅1分,係同牛佬緣慳一面,搵唔到佢合照。加油呀牛佬,祝生意興隆。

友情歲月古惑仔漫畫主題冰室
地址:尖沙嘴加拿芬道49號A舖
電話:5401 5981

大堂出現第一個打卡位。
大堂出現第一個打卡位。
個人認為,成個場最有《古惑仔》Feel嘅係樓梯位。
個人認為,成個場最有《古惑仔》Feel嘅係樓梯位。
四方形吊燈盒,點綴樓梯位。
四方形吊燈盒,點綴樓梯位。
陳浩南喺樓梯,歡迎大家光臨。
陳浩南喺樓梯,歡迎大家光臨。
浮雕式塑像,有大飛、陳浩南同細細粒。
浮雕式塑像,有大飛、陳浩南同細細粒。
迷你展覽廳有張龍頭寶座,坐上去影相係指定動作。
迷你展覽廳有張龍頭寶座,坐上去影相係指定動作。
精品之一浩南刀。
精品之一浩南刀。
《古惑仔》精品。
《古惑仔》精品。
《古惑仔》電影複印海報當牆紙。
《古惑仔》電影複印海報當牆紙。
倫裕國文字簡介。
倫裕國文字簡介。
牛佬文字簡介。
牛佬文字簡介。
檯面複印咗《古惑仔》角色,我見到梁家仁同生滋。
檯面複印咗《古惑仔》角色,我見到梁家仁同生滋。
裝修好有心思,牆壁屢見《古惑仔》原稿。
裝修好有心思,牆壁屢見《古惑仔》原稿。
複印原稿有黑白,亦有彩色。
複印原稿有黑白,亦有彩色。
大家記唔記得呢段《古惑仔》內文?
大家記唔記得呢段《古惑仔》內文?
酒櫃。
酒櫃。
初初真係俾呢本「創刊號」Fake到,揭開先知係Menu。
初初真係俾呢本「創刊號」Fake到,揭開先知係Menu。
牛佬,少少建議,呢本Menu可唔可以直頭當精品咁賣?
牛佬,少少建議,呢本Menu可唔可以直頭當精品咁賣?
角色突入菜式名,有呢杯細細粒紅豆冰。
角色突入菜式名,有呢杯細細粒紅豆冰。
洗手間都無渣流灘,有大大幅陳浩南牆畫坐鎮。
洗手間都無渣流灘,有大大幅陳浩南牆畫坐鎮。
猜猜呢個位喺邊?居然係男洗手間廁格大門。Baby睥住你釋放身體多餘水份,過癮了。
猜猜呢個位喺邊?居然係男洗手間廁格大門。Baby睥住你釋放身體多餘水份,過癮了。

The post 牛佬友情歲月古惑仔漫畫主題冰室開張 浮雕像+牆畫+龍頭寶座打卡 first appeared on GameOver HK.