【牛頭角美食】Pizza狂迷疫市用盡積蓄開薄餅店？$65食10吋大批

Yahoo Food2020年4月27日下午10:30 [UTC]

疫情影響，食店外賣order急升，例如pizza，就成為不少家庭平日的晚餐救星。九龍灣德寶商場一間新店，主打外賣薄餅，80後店主Cody自認是個「薄餅癡」，一直有個小小夢想，工作接近10年，盡用積蓄，勇字當頭，在疫市下時創業。

店主Cody於紐西蘭大學修讀傳理系，畢業後卻一頭裁進她最熱愛的廚房，一做就10年。

是災難也是機會

店名” Double 8 Pizzeria”，是間小小店，百餘呎的廚房，由店主Cody一人打骰。朝早9am回店，整理廚房，開麵粉，搓麵糰，做餅底，煮茄醬，煎蛋，準備各種pizza配料。直到開店，接電話，落單，做pizza……只差送貨不由她負責。

「都做咗廚房10年，唔覺辛苦，加上係自己舖，會覺得值得。」Cody是個80後，她自言細細個已經鍾情下廚，飛到紐西蘭讀大學，本科是傳播及新聞，回港後卻一份相關的工作也沒有做過，「第1份工已經係做廚」，做過米芝蓮餐廳，試過小店，那團創業的火一直沒熄，儲好本金一直在等機會。直到2月初，疫症襲港，餐飲業首當其衝，她卻看到機會：「租金普遍下調，而且我本來就想做外賣，所以好快就決定開舖。」

自創Pizza三文治

Cody自言是個薄餅狂迷，「日日食pizza都唔會厭」，外賣食得多，由自身角度出發，她決定不賣傳統的12吋大批，全店只賣6吋及10吋2種口味：「以前食pizza，成日怕太大食唔哂，而6吋批剛好是1人份量，不會浪費。」傳統薄餅外，她又自創一款「Pizza三文治」，其實是把一片薄餅對接，夾起成三文治，size細了，吃時更方便。