牛魔王福音 尖沙咀火鍋店 供應16款日本A5和牛稀有部位 最平$48起

·2 分鐘文章
牛魔王福音 尖沙咀火鍋店 供應16款日本A5和牛稀有部位 最平$48起
牛魔王福音 尖沙咀火鍋店 供應16款日本A5和牛稀有部位 最平$48起

$48就可以食到日本A5和牛?尖沙咀有間開業冇耐嘅火鍋店,有成16款由日本牧場直營嘅A5黑毛和牛部位選擇,軟韌濃淡都有,而且價位唔算高,牛魔王聽到都要變心心眼嘞。

和牛分別嚟自岩手縣同熊本縣,牛匠岩手牛年產量只有1000隻,數量之罕唔係好多地方食到。肉味較濃郁,脂肪熔點低,日常飼料更加入威士忌粕,令到和牛油脂有更濃郁嘅香味;而熊本和王牛嘅肉質相對軟嫩,油花均勻,入口溶化。

熊本封門柳
熊本封門柳
熊本三筋肉
熊本三筋肉

如果比較喜歡柔軟口感嘅朋友,熊本三筋肉、熊本封門柳等部位就最啱,三筋肉係肩胛骨內側嘅稀少部位,味道濃郁,柔軟爽脆;封門柳口感軟嫩,帶有肉香。而全場最平 $48嘅岩手千本筋肉質亦係非常柔軟,重有豐富膠質𠻹。

岩手內腿肉
岩手內腿肉
 岩手後腰肉
岩手後腰肉

至於喜歡少少嚼口嘅呢,推介可揀岩手內腿肉同岩手後腰肉,前者脂肪量少,口感帶彈性,不過味道就相對淡身少少;後者油花適中 ,帶有嚼勁。

講到油花,就非試熊本沙巴當同熊本西冷不可,沙巴當係肩胛接近肋骨嘅部位,既有油脂香,亦有濃厚肉味;西冷就唔使多講啦,油脂豐富。

除咗牛肉之外,當然都有豬肉、雞肉啦,餐廳亦同時供應多款新鮮海鮮,包括鮑魚、日本帆立貝、日本廣島生蠔等,青鯛魚更可作刺身同火鍋兩食呢。

而湯底方面則有10款選擇,款款都落足料熬製。其中,鮮甜嘅招牌花膠響螺雞金鍋,更可飲完先打邊爐;黑松露野菌鍋一滾起就香氣撲鼻,味道濃郁。

另外,特別推介一下拖羅蓉岩手和牛他他‧日本蛋黃,啖啖爽滑鮮甜,混和蛋香再夾埋脆脆紫菜一齊食,口感層次豐富,值得一試。

火鍋郎
火鍋郎

火鍋郎
地址: 尖沙咀堪富利士道6-6A號爵寓1樓

文:Kar

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能