牛一驚現「變幻球」Odilia自由升Cup

Odilia突然「有料」,性感拍婚紗相兼晒靚背。
Odilia突然「有料」,性感拍婚紗相兼晒靚背。

組合Bingo成員Odilia日前30歲生日,藉工作乘機為自己影婚紗相留倩影,換上多套低胸露背婚紗,向來32A平平無奇的她竟然「再度發育」,上圍Big爆十分惹火!對此她笑說:「我要多謝婚紗店嗰位職員,係佢啟發咗我婚紗打底着隱形胸圍嘅重要性!坦白講,可以自由升cup嘅生活其實幾靈活,尤其係做運動嘅時候,真係輕輕鬆鬆!」

說到穿婚紗,她透露讀中學時曾幫朋友影婚紗相,但今次感覺很不同:「有諗如果嗰日真係嚟到,着婚紗嗰陣會有咩感受呢?」問到踏入3字頭有何願望?她說:「希望疫情快啲過,最緊要身體健康,希望可以搵到工作嘅成就感,亦希望搵到真正幸福,遇到同自己步伐想法一致嘅人,結婚係其次。」