特首夫人李林麗嬋擔任《2022香港小姐競選》大會評判 網民驚訝：似乎有另一番景象

TVB年度盛事《2022香港小姐競選》，適逢今年係港姐競選50周年，大會以「時代在變美麗不變」作為主題，準決賽原本喺9月4日舉行，不過因為有5位候選佳麗確診新冠肺炎而取消，19位候選佳麗直接晉身25日喺紅館舉行嘅決賽。今屆港姐嘅大會評判大有來頭，其中一位就係特首夫人李林麗嬋。

TVB官方YouTube頻道日前上載《2022香港小姐競選》宣傳片，除咗介紹重金打造嘅場景之外，仲介紹5位「重量級評判」，佢哋分別係石禮謙（GBS太平紳士）、梁高美懿（SBS太平紳士、香港公益金名譽副會長）、李林麗嬋女士（香港公益金會長）、郭少明博士（SBS太平紳士、香港公益金名譽副會長）及孫大倫博士（BBS太平紳士、香港公益金名譽副會長）。

今次評判陣容均為政商界人士，有別於以往來自演藝界，所以唔少網民都表示驚訝，紛紛留言「今年評判團個陣容同以往藝人去做 似乎有另一番景象！」、「無他嘅，想要多啲公信力囉，證明係香港小姐而唔係TVB小姐lor」及「​​吓，無野吖！！！！！！！」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！