獨立日唔睇煙花 善心人去庇護所 安撫受驚狗狗

19+

 

7月4日,美國獨立日,通常各地都會有煙花匯演慶祝。

唔一定個個睇得開心,嘭嘭聲其實嚇親好多小朋友同埋毛孩。

每年呢個日子,都有唔少狗狗因為驚得滯走失!

 

有家的毛孩就話有人呵住,無家嘅點算?

 

阿里桑那州鳳凰城有個狗狗收容所,就舉行咗個好好嘅活動。

佢地招募有心人,喺放煙花嗰陣,去到收容所陪等待被領養嘅狗狗,

等佢地唔駛怕。

 

去年呢個活動就有300人參加,

有小朋友帶埋故事書,講故仔氹狗狗瞓覺,好可愛!

亦有人唱歌,同埋必殺技 - 派零食!仲唔work?!

除咗令狗狗安然度過呢晚之外,活動仲成功令好多參加者同收容所建立連繫。

有人繼續做義工,有人幫手暫託,當然有人領養毛孩啦。

 

慶祝活動唔使大鑼大鼓先得嘅,呢款咪幾好!

原文傳送門

你可能還想看