獨霸2,000呎大屋 林作做書蟲

·3 分鐘文章
林作屋企夠晒大,放了很多書籍,隨時都有得睇!
林作屋企夠晒大,放了很多書籍,隨時都有得睇!

林作獨居2,000呎名牌豪宅,林母則住樓下單位,各有自己空間。他重視傢俬細節、藏書和畫作,覺得有文化的人,電視機不應該是客廳的主角,藉此批評林母電視日開夜開,名副其實鬥氣母子。

林作現居的單位於2012年以3,500萬購入,由母子聯名的公司持有,林母其後再購入樓下兩個單位,母子成為樓上樓下。他透露鄰居近日以4,500萬放售,認為自己單位有裝修兼景觀較優,估計可叫價5,000萬,持貨9年升值1,500萬,不過他卻無意放售。

現居單位是3房設計,包括睡房、客房和書房,客廳旁有開放式廚房,還有大露台,單位呈長方形,與愛犬同住十分闊落。裝修方面,他說:「設計係上手業主嘅,我哋好懶,睇啱裝修就買,冇耐性自己搞裝修。」開放式廚房設備齊全,惟他對食只為填肚及生存,因是獨生子關係,自小喜歡寂寞,他笑言:「巴不得全屋冇人,自己太多嘢諗、太多嘢做,唔使再有人刺激。」工作以外,他喜歡過宅男生活,留在家看書是最大娛樂,家中藏書近600本,以人物傳記、哲學、歷史、政治和經濟書為主,討厭看潮流讀物:「一個有文化嘅人,屋企藏書應該3成睇過,7成未睇過,應該不斷睇不斷入,如果全屋嘅書都睇過係有問題,代表你冇咗求知欲。」並表示打算在樓下媽媽的地方,另闢一個小型圖書館。

「我嘅傢俬都好貴!」

女友裕美與林母關係緊張,故現時樓上樓下很符合大家的生活模式,林作說:「我唔會同媽媽分家,佢得我一個仔,好多方面要互相支持,我唔想離佢太遠,但我有我生活,依家好滿意。(媽媽會突然殺上你家?)以前會,依家唔會,費事撞到裕美,我唔係好理佢哋關係,我反而驚佢哋關係太好,之前兩段關係,我前度同阿媽關係仲好過同我,好唔正常,佢睇法、品味同我好唔同,我最鍾意嘅女朋友都係佢最憎。」他說看媽媽一屋購自平價網上平台的傢俬就知她的品味:「我嘅傢俬都好貴,張書枱7萬,3張櫈最貴一張5萬,其中一張係Designer Chair仿製品,我好想買原裝,好注重Details。」大廳的電視平日會隱藏櫃內,兩張梳化刻意打橫放,方便客人對望傾偈:「我媽將梳化擺到貼住電視,電視機有幾大換到幾大,成日開住,我覺得好錯。」

睡房有大床,孖鋪都冇問題!
睡房有大床,孖鋪都冇問題!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能