獲麥玲玲指點迷津 蘇皓兒桃花旺老嫩通殺

東方日報
·2 分鐘文章
蘇皓兒4年後30而已,到時先拍拖都未遲。
蘇皓兒4年後30而已,到時先拍拖都未遲。

新一代女神蘇皓兒昨日出席新春活動,被同場的麥玲玲批牛年桃花運旺盛,上至成熟男、下至小鮮肉都嗒糖!不過怕醜的她稱現時冇人追,想4年後才拍拖!

蘇皓兒(Chloe)及堪輿學家麥玲玲昨日出席「東港城新春花市限定店」,身穿短裙的Chloe獲對方批桃花運旺,老嫩都喜歡她,她即謙說:「唔係好feel到。(你鍾意年紀大定細?)唔關年紀事,最緊要心智成熟少少。」單身的她謂現時冇人追:「我想30歲先拍拖,依家26歲,想專注工作先,玲玲姐話我出年事業好呀。」麥玲玲批她牛年有貴人運,事業會有新嘗試。

批中鄭爽 被追捧

提到麥玲玲批中內地女星鄭爽有桃花劫,獲內地網友追捧,她即笑言:「其實我上年都有批中趙麗穎會偷偷註冊,仲有Angelababy同黃曉明兩條蛇走埋一齊會難相處,會互咬。佢哋係高風險嘅夫妻,要好辛苦經營。」提到她被網友翻出舊相,大讚她樣貌及38G身材數十年如一日,她即笑言:「我細個唔知,成日畀人望住心口講嘢,我本身又比較肥。」在旁Chloe即大感羨慕:「玲玲姐真係好有料。」

Kawaii心急姻緣

同場的Kawaii擔任主持,笑言有要求麥玲玲指點迷津:「有問姻緣,佢話我牛年會有啲蛇蟲鼠蟻嚟識吓我,我都心急,佢叫我留意吓啲喺海外住或返嚟嘅人,咁我依家都有呢啲海外朋友,但嗰啲唔得,暫時未啱我歡心!」談到擇偶條件?她笑言:「冇咩條件啦,再要條件我嫁唔出啦。」

麥玲玲批蘇皓兒有貴人運,女神當堂笑逐顏開。
麥玲玲批蘇皓兒有貴人運,女神當堂笑逐顏開。
Kawaii笑言不能太揀擇,免得蘇州過後冇艇搭。
Kawaii笑言不能太揀擇,免得蘇州過後冇艇搭。