王丹妮除高跟鞋就林家棟

王丹妮着上平底鞋襯番林家棟的高度,真係識做!
王丹妮着上平底鞋襯番林家棟的高度,真係識做!

林家棟和王丹妮繼電影《梅艷芳》後,再合體拍攝保險廣告演飾特務夫妻,昨日出席記者會時,家棟表示拍廣告時有遺憾:「因王丹妮生得高大,所以要求佢除高跟鞋,令我感到自卑。」而王丹妮亦相當識做着平底鞋現身。

王丹妮和女團COLLAR成員Marf正趕拍ViuTV劇《那年盛夏我們綻放如花》,但MIRROR演唱會發生嚴重事故後,電視台取消該劇的拜神儀式,她說:「唔知點解取消,但齣劇係開拍緊,我一陣都要趕返去拍。(Marf都有開工?)唔知。」而林家棟早前出席金像獎頒獎禮時照顧影帝謝賢:「因為嗰部戲係我做監製,同埋我係後輩嘛。」更稱毋須擔心前輩健康狀況:「同佢食飯時精神奕奕,嗰晚太夜,老人家習慣早睡早起。(佢好似有啲歪嘴,被傳中風?)佢換咗牙啫,亦冇中風。(網民話你比謝霆鋒更似親生仔。)唔好咁講,霆鋒有叫我幫手照顧佢阿爸。」