王卓淇創業賣平價純銀首飾 遇無理客人嬲爆爆拍片公審
現年33歲嘅王卓淇（Erin），2014年勇奪香港小姐亞軍入行，可惜星運平平，至2021年離巢TVB轉戰內地做KOL，不時拍片分享娛樂圈事件、TVB所遭遇嘅經歷及生活點滴，成功引起關注。另外，佢喺今年初宣布再大展拳腳，賣平價純銀首飾，不過近日佢就嬲爆爆拍片公審客人。
王卓淇喺投資10萬創立自家品牌賣手工穿戴甲，除咗與有份投資嘅好友因意見分歧而差點反面之外，生意亦做得麻麻地。去到今年佢再創業，賣平價純銀首飾，不過近日佢就嬲爆爆喺小紅書出PO公審客人，寫上：「想氣死來做電商吧 #精神狀態良好，特別是豆店，人才輩出啊哈哈，希望我們都能做個不麻煩別人的好買家，讓世界充滿愛」。喺影片中，嬲到面紅耳赤嘅佢表示：「來，想氣死來做電商，來做電商抖店，真的謝謝你哦，說好的7天無理由，用了14、15天才退，你給我秒通過！嗯你都得給，ok你退吧，完整退回來啊，她說她沒用過，結果說包裝都丟了，用到包裝都丢了，喂！你不喜歡，你用到包裝都丢埋？你就不要丢嘛，你就寄回來嘛，係嘛，ok那寄回來，一打開那個鏈都有點髒，無法二次銷售了已經。ok找人，找不到人，已讀不回，唔知點算」。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
