王卓淇簡淑兒靠手機揭男友劈腿

·1 分鐘文章
王卓淇憑直覺發現「小三」!
王卓淇憑直覺發現「小三」!

徐若瑄自爆被渣男背叛的經歷,不少網民都戥她心痛,但原來有不少女藝人都有同樣經歷,簡淑兒曾遇過一腳踏三船的渣男:「當時都覺得有啲問題,半夜會有女仔打嚟,電話又成日校咗飛行模式,不過當時我年紀細好驚分手,但最後真係覺得好有問題,就決定同佢一齊去睇佢電話,結果發現咗佢同個女仔有曖昧短訊,最後分咗手,之後竟然有另一個女仔搵我,我先發現原來佢一腳踏三船!不過我覺得『小三』真係冇得防,好講個男仔本身係乜嘢人。」

王卓淇就憑「直覺」發現第三者,她說:「當時同個男仔拍拖,佢好勁呀,我完全察覺唔到佢有咩異樣,點知有一日心血來潮,直覺覺得佢有問題,結果我睇佢電話入面嘅短訊,發覺佢同時同兩個女仔傾偈,內容好曖昧,結果梗係分手啦!」而「一件頭女神」陳詩欣則指「小三」防不勝防:「有次發現當時嘅男友偷偷同啲女仔傾電話,原來佢哋係醞釀緊,嗰次我都畀咗一次機會佢,可惜最終都分咗手。如果真係畀我捉姦在床,我會好絕立即分手,連佢講對唔住嘅機會都唔會畀。」

簡淑兒曾遇一腳踏三船的男友,遇人不淑。
簡淑兒曾遇一腳踏三船的男友,遇人不淑。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能