王敏奕愛上殺手 周柏豪忙住親熱 「情人」爭寵

最近再做爸爸的周柏豪忙拍劇，因開工日夜顛倒，所以至今只抱過囝囝兩次，坦言感到有缺失，同時要處理「前世情人」呷醋的問題。

周柏豪、王敏奕、連詩雅及謝東閔等昨日在太子為無綫劇集《旁觀者》進行拜神儀式。周柏豪與王敏奕演一對，但前者是為民除害的殺手，與飾演警察的敏奕關係錯綜複雜。2人有不少親熱戲，柏豪笑指只屬小兒科：「好浪漫、好淒美，不過，親熱鏡頭對佢嚟講就好『親熱』（尺度較大）。」又笑言開工前為了騷肌場面而減磅，王敏奕得悉後亦決心Keep fit，開工頓成食沙律大挑戰。

少抱囝囝有缺失

再做爸爸的周柏豪直言沒時間湊仔，因工作日夜顛倒至今只抱過兒子兩次，感覺有點缺失，惟有拍完劇再彌補：「依家仲要處理家姐同埋細佬嘅關係，家姐明顯呷醋，一抱細佬佢就會叫爸爸，要慢慢教佢。」至於王敏奕被問及老爺曾志偉近日賣出界限街物業並勁賺2,780萬一事，她表示不清楚，亦沒向老爺請教投資心得，覺得要好好儲錢才能投資。

連詩雅開工周身傷

至於連詩雅透露劇中受謝東閔所累被姦，她表示：「拍被強姦戲等同拍功夫戲咁，周志康要撕開我啲衫，好似打鬥戲，拍到周身傷。」而謝東閔近日傳與朱智賢分手，他否認：「我都想知點解咁傳，我哋冇問題，係謠言嚟。」