王敏德坦言不滿女兒王麗嘉晒大尺度性感照:呢啲係男人先知道

王敏德坦言不滿女兒王麗嘉晒大尺度性感照

王敏德(Michael)與名模馬詩慧(Janet)育有兩女一子,分別係曼喜(Kayla)、麗嘉(Irisa)及躍穎,三人都盡得父母優良基因,特別係二女Irisa,佢擁有6呎高兼34D驕人上圍,毫不吝嗇咁喺社交網站上載性感照片與網民分享。早前TVB節目《搵鬼做情人》搵嚟王敏德夫婦作客,分享與外籍伴侶嘅相處之道,期間王敏德仲講到自己曾不滿Irisa經常上載性感照到社交網站嘅原因。

王麗嘉擁有靚樣好身材,不時喺社交網站上載大尺度嘅性感照,大晒火辣身材,好似最近佢就上載自己喺泳池著上比堅尼嘅照片,玲瓏浮凸嘅身材表露無遺,唔少網民都留言大讚索。

王敏德夫婦早前作客TVB節目《搵鬼做情人》,期間王敏德仲講到自己曾不滿Irisa經常上載性感照到社交網站,並話:「我明白而家嘅文化,喺社交平台要有競爭感,用社交平台係為咗推廣自己,因為我哋係做呢行,如果唔係點解你要PO相。」不過馬詩慧就表示唔同意,認為分享性感照係一個自我滿足嘅行為,之後王敏德反駁:「以前你唔會上載照片,因為當時冇社交平台,所以影完相只會掛起啲相,而家除非你露點,如果唔係社交平台都唔會有審查。」

之後被主持人問到知唔知道王麗嘉部分性感照由太太操刀,並話其實而家係媽媽認同,不過爸爸就作出反對,王敏德就話:「呢啲係男人先知道,因為男人……你望其他女人,你知佢哋望咩嘢,但當嗰個係你個女嘅時候,我覺得唔係幾好。」另外,王敏德再分享朋友睇女兒性感照嘅尷尬事情:「啲朋友話睇到你個女(性感照),OMG,呢個係你個女?我仲記得佢年紀好細 ,之後我話『係呀,你唔好再幻想落去,你而家望乜嘢呀?』。」不過王敏德就話而家唔會同囡囡傾呢個問題,因為佢哋已經大個女,應該知道自己做緊咩。

王麗嘉
王麗嘉
《搵鬼做情人》截圖
《搵鬼做情人》截圖
《搵鬼做情人》截圖
《搵鬼做情人》截圖
《搵鬼做情人》截圖
《搵鬼做情人》截圖
《搵鬼做情人》截圖
《搵鬼做情人》截圖
《搵鬼做情人》截圖
《搵鬼做情人》截圖
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉
王麗嘉

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!