王浩信「唱」所欲言 蔡思貝再闖影圈

盲俠與癲姐這對黃金組合,圓滿了鼠年,期望牛年更進一步。
盲俠與癲姐這對黃金組合,圓滿了鼠年,期望牛年更進一步。

「視帝」王浩信與「視后」蔡思貝去年大豐收,踏入牛年兩人將繼續「踩過界」尋求新挑戰,浩信望「回歸」樂壇,希望將歌曲放入故事中「唱」所欲言;思貝則「增值」再戰影圈,齊齊全方位「升呢」發展,望事業繼續大放異彩!

「盲俠」王浩信與「癲姐」蔡思貝憑劇集《踩過界II》再奪視帝及初嘗視后滋味,他們覺得鼠年是幸運的一年,與戰友一齊攞獎,相當圓滿。攞獎攞到手軟的浩信還錦上添花,在《2020年度勁歌金曲頒獎典禮》奪得「人氣王大獎」,推動他在牛年「回歸」樂壇的決心:「呢幾年嘅作品都係翻唱歌曲,希望放多啲時間做音樂,想寫個故事擺晒啲歌喺裏面。做咗演員好耐,偏離咗歌手條路,今年會嘗試要求多啲音樂空間,情歌就唔啱我喇,希望延續R&B Pop嘅方向。」

重新再跳芭蕾舞

思貝指每每被問到新目標也會不禁失笑,因覺得演員往往要聽天由命,只能把握好機會,她說:「一路冇停過拍劇,希望發掘多啲大家未見過嘅我。今年會好好去學習,會去上普通話堂,又想練番琴、跳舞,細個跳芭蕾舞、鋼琴8級,但依家好似唔識彈咁。」思貝於2015年的處女電影《陀地驅魔人》曾提名金像獎「最佳新演員」獎,她說:「好想再拍電影,當年咩都唔識,想試吓用依家對戲劇嘅想法、感受去接觸電影會係點,好期待。」浩信亦準備接受拍電影的新挑戰:「希望多啲人搵我拍戲啦!」

女兒學習包餃子

踏入牛年,屬北方人的浩信屋企每年也會包餃子,他希望將手藝傳給女兒:「爹哋煮嘢好叻,以前只係負責食,依家覺得時間過得好快,想喺佢身上學識多啲食譜,唔好失傳。新年會同個女一齊包餃子,我就包餃子,佢就包咗架車、搓咗個雪人出嚟,都係幾親子嘅活動。」

十多歲便到外地讀書的思貝,農曆新年印象停留在小時候,過年總是熱熱鬧鬧,現在與家人一起過年已經很開心。肖羊的她在牛年犯太歲,她指會由媽咪代勞攝太歲,趨吉避凶。

蔡思貝沒太多過年的回憶,只知道一家人團團圓圓便最開心。
蔡思貝沒太多過年的回憶,只知道一家人團團圓圓便最開心。
王浩信恭祝大家迎春接福,期望疫情早日過去,人人重過正常生活。
王浩信恭祝大家迎春接福,期望疫情早日過去,人人重過正常生活。