王菀之自勉疫境有彎轉 張建聲雙倍打擊

張繼聰(左起)、栢天男和張建聲合作的新片原於明日上畫。
張繼聰(左起)、栢天男和張建聲合作的新片原於明日上畫。

因疫情惡化,戲院由今日起需關閉14日,多部上映中以及將上映的電影受到影響。譚耀文、張繼聰及張建聲異口同聲嗌失望,但為了疫情受控也要接受;王菀之則以「戲」鼓勵大家「人生有彎轉」,希望待疫情好轉後,電影可重新上映。

鑑於本港新冠肺炎疫情惡化,政府進一步收緊禁聚令等一系列防疫措施,戲院屬公眾娛樂場所需要關閉,由12月2日(星期三)零時零分起生效,為期14天。原本明日上畫的電影《逃獄兄弟》和《一秒拳王》叫停,而正在上映中的寰亞電影《阿索的故事》亦需與觀眾暫別,為了該片而去學駕駛巴士的王菀之,難免有點無奈,她說:「當然係以大家嘅安全及健康為首要考慮,希望疫情穩定落嚟,可以重新上映,並再次得到大家嘅支持。我哋套戲主題係講人生有彎轉,咁依家轉咗呢個彎先啦!」

譚耀文籲大家自律

張建聲有份演出《一》片及《逃》片,可謂雙倍打擊,他謂:「因為疫情要關戲院都冇人想,失望固然有,因為兩部戲之前都做咗好多宣傳,同埋做咗好多訪問,依家要重新安排過,上年我主演、監製嘅《作家的謊言》亦撞正社會運動,冇得做宣傳所以票房慘敗,令我好明白宣傳好重要。希望兩個星期之後,疫情會好番啲,可以再做番啲宣傳,兩部戲大家都畀咗好多心機去拍。」而《一》片於昨日關閉戲院前舉行優先場,不少市民作「最後衝刺」,令戲院出現爆棚盛況。

有份主演《逃》片的張繼聰直言很失望:「都冇辦法,個疫情咁樣,所以會配合電影公司嘅安排,重新上映會配合番做宣傳。」同片的譚耀文亦嗌慘:「真係好可惜,前一晚都瞓唔到覺,呢個幾月同電影公司好落力做宣傳,家人同朋友都好期待,本來對套戲都幾有信心。不過安全緊要,小朋友都返唔到學,希望聖誕前大家自律。電影難做,希望聖誕前解封,戲院係合理安靜嘅娛樂場所,如果連戲都冇得睇,唔知有咩娛樂。」

香港戲院商會昨指戲院業雖感無奈及沮喪,亦願意配合政府政策,同心抗疫,不過,商會指出戲院業今年票房對比去年勁跌接近8成,當中甚至超過3個月零收入,票房損失近13億,加上戲院面對着各種營運壓力,希望政府能考慮在停業期間為戲院提供援助。

高志森:第一次咁痛苦

另外,高志森執導、焦媛主演的音樂劇《大月薰與孫中山》原定12月11日公演,現因疫情需要取消,高志森無奈表示有同事會跟進退票事宜,並感謝大家支持。兩人連月來積極排練,每一個舞步、每一句對白都一絲不苟,如今心血隨時付諸流水,高志森直言:「我第一次喺藝術上感覺咁痛苦,但我唔會放棄,會努力延後演出,到時劇院再聚。」

付出無比心血的作品被迫暫時告別,難怪王菀之喊咁口啦!
付出無比心血的作品被迫暫時告別,難怪王菀之喊咁口啦!