王菲「魚腩」變雀神

王菲拍劇「特訓」,現已說得一口流利普通話。
王菲拍劇「特訓」,現已說得一口流利普通話。

前港姐王菲、古佩玲及吳天佑屬同一經理人,日前約埋賀年。去年首度出埠拍劇的王菲表示,最大得着是搣甩「港普」,但於40度高溫下開工苦不堪言:「我要戴假髮,成條頸都係汗,好似喺蒸爐咁。」談到過年習俗,她表示每年都開枱至凌晨3、4點:「舊年仲係『魚腩』,今年開始贏錢。同埋聽講年三十晚一直數錢到踏入年初一,寓意嚟緊一年都數唔晒啲錢。」

古佩玲去年工作很充實,有幸在《羅密歐與祝英台》演年輕版陳茵媺,挑戰分飾兩角兼獻出螢幕初吻。肖兔的她今年犯太歲,苦笑表示不如意事已應驗:「之前急性腸胃炎入咗院,同埋舊年身體唔係幾好,希望新一年健健康康。」而吳天佑去年豁出去參加《全能司儀選拔大賽2022》,雖然落敗,但從中看見自己的不足,希望有機會拍劇。

古佩玲與吳天佑希望新一年有更多機會。
古佩玲與吳天佑希望新一年有更多機會。