王麗嘉拒拍寫真痛斥港男冇品!

東方日報
東方日報 OrientalDaily
王麗嘉雖被男網友騷擾,但強調不會妥協,靚相照放上網。
王麗嘉雖被男網友騷擾,但強調不會妥協,靚相照放上網。


王麗嘉早前在社交網晒全裸照惹來全城熱話,她出席活動時透露有男性網友寫下核突兼露骨的留言,更Tag埋老竇王敏德作騷擾,迫使她關閉留言功能,並痛斥香港男士冇禮貌!


王敏德與馬詩慧的女兒王麗嘉,昨日與張敬軒、師妹李靖筠及曾樂彤等現身品牌活動。提到早前在社交網上載了一張全裸照而引來外界回響,王麗嘉稱已關閉社交網的留言功能:「因為有啲男人留咗啲好核突同鹹濕嘅留言。」她指該照片是由媽咪提議拍攝及操刀,對於照片嚇壞父親,她解釋:「因為啲核突留言Tag咗我爸爸,我睇咗都唔舒服。爸爸冇唔開心,啲相靚會照放上網,但唔會影寫真,因為香港啲男人冇禮貌同唔尊重。」她自言現時單身冇拖拍,估計可能因身材太高而嚇怕追求者。


張敬軒帶挈「火龍果」上位


而軒仔早前化身「火龍果」拍片惡搞容祖兒的MV,自爆品牌原想他以「火龍果」造型亮相:「不過我唔想啲新人(火龍果)咁囂,佢以獨立角色出嚟,出場費仲貴過張敬軒,我尋日返我間餐廳,所有人都叫我火龍果,而唔係張敬軒,係開心,可以創作到個話題。(生果店多謝你?)睇吓有冇人搵我做火龍果代言人。(拍套電影?)火龍果大戰降兩度,簡稱降火。」他續透露「火龍果」將推出單曲《Pretty Hungry》,及會擔任其澳門演唱會嘉賓。

王麗嘉的全裸照由媽咪馬詩慧操刀。
王麗嘉的全裸照由媽咪馬詩慧操刀。
王敏德慘收網友露骨留言。
王敏德慘收網友露骨留言。
張敬軒
張敬軒
張敬軒早前玩惡搞,未料卻令「火龍果」造型一炮而紅。
張敬軒早前玩惡搞,未料卻令「火龍果」造型一炮而紅。



是日精選

東張西望-女主持黃穎君被批走光博出位-網民-為上位咩都做得出

歐陽震華客串-愛-回家-為-群姐

湯洛雯中不瘦降米芝蓮肥肉現形

小方stephy再-分手-方中信變小三

吳綺莉懶理卓林爆婚變-幫我搵工

王麗嘉拒拍寫真痛斥港男冇品

林海峰-離巢-先斬後奏

張嘉兒晒餵母乳照遮唔晒

奚夢瑤綵排求婚-何猷君火滾-護妻

余文樂曬兒子慶生照-個舉動遭網友狂插自私精

你可能還想看