玩爆你個腎|COLLAR被整蠱崩潰爆喊 網民心痛之餘大讚佢哋團結

《情義兩難全之玩爆你個腎》COLLAR
《情義兩難全之玩爆你個腎》COLLAR

最新一集《情義兩難全之玩爆你個腎》有COLLAR作為整蠱對象,節目以拍攝意大利文化節宣傳片作為藉口。首先佢哋收買COLLAR嘅GAO、芯駖及經理人Wing,之後再搵嚟真正廣告導演Heison、攝影師Quinton、阿Big扮演勁Mean勁惡嘅廣告公司agency、意大利人Marco扮演文化節負責人及一班COLLAR嘅御用化妝師,幫手一齊整蠱COLLAR其餘6位成員(Day(許軼)、Ivy So(蘇雅琳)、Candy(王家晴)、Marf(邱彥筒)、Winka(陳泳伽)及SoChing(蘇芷晴))。

喺拍攝呢個「意大利文化節宣傳片」時,一開始COLLAR成員首先分為四組,每組講出一句意大利對白,不過呢句對白唔係關於意大利,而係玩COLLAR嘅,對白嘅真正意思係「我哋好蠢好易比人呃」、「我哋平時最鍾意放屁」、「我哋有好嚴重臭狐」及幫兇Gao及芯駖嘅「佢哋應該信到十足」,期間Mean爆嘅阿Big不停向佢哋提出好多要求,例如特意拉扯Marf及話唔要見到Marf手臂嘅紋身,不過之後Marco又話鍾意Marf嘅紋身,所以佢哋要重拍。

後來,佢哋再需要做一連串嘅表情及動作,不過阿Big就冇叫COLLAR成員嘅名字,反而係好無禮貌咁同「前面嗰個」、「後面嗰個」及「中間分界嗰個」 等去稱呼佢哋,令佢哋感到不受尊重。

之後,COLLAR被臨時安排跳舞,而Ivy So更被阿Big點名,並要求佢行出嚟睇成員們跳舞,仲問Ivy覺得佢哋跳成點,Ivy一話好時,阿Big爆seed話:「知唔知點解?,因為冇咗你,你勁甩晒囉!」,而Wing就話覺得咁樣好唔尊重,Marf亦有出聲話「我哋COLLAR係八個人㗎嘛!」

去到休息期間,COLLAR成員開始忍唔住開始喊,Winka仲話做得唔好可以講,佢哋可以再拍,而唔係抽一個人出嚟話俾我哋知佢跳得唔好。之後再話阿Big好唔尊重佢哋,連佢哋個名都唔記得。芯駖加把口問呢個Job係咪一定要做,仲話自己唔稀罕呢啲錢,直指阿Big唔尊重及侮辱佢哋。Winka就好嬲咁話覺得去到人身攻擊呢個位唔好,大家都係講道理嘅人,唔係再話食鹽多過你食米嗰啲所謂道理。而經理人Wing就決定帶COLLAR走人及指責冇排舞師,唔再繼續接呢個job,Marco亦大聲發脾氣話Call Off及指呢個冇一個人係專業。喺呢個時候,Marco及KB一齊除衫跳舞,當COLLAR成員知道被整蠱後,全員崩潰爆喊及一齊打KB。

節目出街後,唔少網民大讚COLLAR團結及心痛佢哋被整蠱,紛紛留言支持佢哋,例如「今集睇到Collar真係好團結,八個人一條心,加油呀COLLAR,其實有好多人支持你地㗎。」、「欣賞Marf同Winka會主動出聲保護隊友,Ivy好慘豬好似d中小學生俾人罰咁,明明自己已經做緊明星」、「Marf 好好啊,EQ 高,又好care 大家感受,最後重比big 姐一個擁抱 叻女」、「Day Winka Marf 真心會保護其他隊友 其實有d位 Winka同 Marf 出聲圍護Ivy.. 好 touching​​」、「搞咁大壇嘢搞到班女喊哂 但係見到佢哋咁團結,為隊友發聲真心like…Winka同Marf都係咁正義,抵讚」、「這個節目証明一隊一條心,罵一個等於罵八個人,她們一定要為隊友出頭,爭口氣。努力,你們是最好的。」、「真係勁耐無喊過,但睇見ivy喊,男兒淚都要流下,真係好心痛佢地」、「大佬睇到眼都濕埋,但又好溫暖,點搞」及「見到collar成員大家係真心愛護自己每個成員,希望呢八個女仔永遠能保持這份真!支持COLLAR」等等。

《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖
《情義兩難全之玩爆你個腎》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!