玩通頂掛住瞓 孫慧雪怒炒外傭

孫慧雪請外傭分擔家務,卻被激到一頭煙!
孫慧雪請外傭分擔家務,卻被激到一頭煙!

藝人孫慧雪前日力數外籍家傭「7不思議」事件,包括上班首日失聯,翌日辯稱前僱主為她搞告別派對;要求每晚有「me time」做運動;叫雪雪多請一個家傭幫忙做家務等,最令雪雪震驚的是差點搞出人命,她說:「第一日入屋,佢用神力推咗我屋企隻窗落街,真係非常好彩,冇傷到人,之後佢同我講,隻窗自己跌咗落街。」

昨日凌晨,雪雪再在網上發文,指家傭凌晨2時半仍未返家,又爆對方第2次放假已去找男友,更想在男友家過夜!家傭最終於早上6時才現身,令雪雪忍無可忍下狠心炒魷:「一路瞓覺唔起身,我自己洗晒碗餵完小朋友,11點先叫醒佢,佢話:『我唔舒服咪唔返嚟囉!』我話你唔使講大話啦!所以已經同佢分手!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能