琦琦愛女食波餅噴血 慶幸冇歪鼻

東方日報
·1 分鐘文章
琦琦認為逆境能令人成長,教導女兒勇敢面對。
琦琦認為逆境能令人成長,教導女兒勇敢面對。

出名是「廿四孝媽咪」的名模琦琦,向來花盡心思培育女兒Ella,送愛女入讀英國寄宿學校那年,她不想閒着,決定創立珠寶品牌,幾乎每星期都要拖篋上機。疫情下不能飛,去年她試過6星期冇出街:「多咗時間諗設計,以前鍾意大啲、誇張啲,依家就整每日戴到嘅款式。品牌第1件設計係十字架,估唔到疫情下十字架好受歡迎,我諗多咗人有信仰。」

她認為逆境能令人成長,難忘有次Ella學校假期,她送女兒回校後,甫落車就收到電話:「佢好少喊,但嗰次喊住嗌媽媽!原來佢喺學校打Net Ball比賽,有個小朋友唔小心將個波打落佢個鼻度,不停流血,好擔心,唔知有冇傷到鼻骨。」幸好鼻骨冇歪,Ella反而叫她不用折返學校,覺得女兒思想成熟。