琦琦捧場撐乖女 任晴佳初登天橋 氣場拍得住超模

·2 分鐘文章
雖然是首次行騷,但Ella準備充足,表現出色!
雖然是首次行騷,但Ella準備充足,表現出色!

影帝任達華與名模太太琦琦的愛女任晴佳擁有43吋逆天長腿,首次行Catwalk的她氣場拍得住同場的超模劉雯,表現連媽咪都大讚!

現年17歲、被封為「最美星二代」的任晴佳(Ella)遺傳了父母的優良基因,美人胚子加上煞食長腿,成為各大品牌的模特兒新貴。她日前初登時裝騷舞台,獲邀到上海行騷,同場還有國際級名模劉雯與賀聰,琦琦專程到場支持愛女!

淡定征服高難度舞台

行騷當日,Ella一大早已抵達會場進行綵排,熟習舞台較難行的位置。活動上,她穿上束腰冬裝登場,大騷43吋修長美腿,雖然是首次踏上T台,又要在高低起伏的舞台上穿梭,但她仍輕易駕馭,表現自信有台型,氣場絕不遜於同場其他超模!

對於表現獲激讚,她興奮表示:「真係好開心!我一啲都冇緊張,個騷嘅台比一般難行,好似山坡咁高高低低,亦特別長,第一次行騷就要行呢類型嘅台好有挑戰!好慶幸自己冇失平衡,成功完成咗呢件事。自己都冇諗過可以同咁多Super model同台,覺得好興奮!」又直言已愛上行騷:「覺得好有挑戰,同場嘅模特兒都對我好好,我仲約咗佢哋之後一齊食飯。」

任達華為囡囡驕傲

琦琦見證Ella順利完成首個Catwalk,感動之餘亦以女兒為傲:「行得好好!起初都驚個女會緊張,估唔到真係唔錯,一啲緊張都冇,仲好Enjoy呢個舞台,好似身邊嘅Super model一樣行得好好!」任達華亦激讚囡囡:「佢嘅表現真係超級好,劉雯、賀聰喺度畀佢好多鼓勵,琦琦又畀佢好多鼓勵,我覺得佢做得好好!樣樣嘢都畀佢試吓,影吓雜誌、行騷,又讀書,可以豐富到佢嘅人生。我為佢驕傲,佢好多嘢仲要學習,喺學習中成長係人生最開心嘅事。」

Ella向名模賀聰(右)取經,仲約埋食飯。
Ella向名模賀聰(右)取經,仲約埋食飯。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能