環球趣聞|日本扭蛋走火入魔?推出陌生人證件相竟大受歡迎

·1 分鐘文章

講起扭蛋可以話大人細路都咁鍾意,想必大家就算現在長大之後見到得意有趣扭蛋都會扭一隻,貪佢平平哋又可以有打開嘅神秘感!講起扭蛋當然要數日本,各式各樣扭蛋相信大家都見過,有時仲要難免咁諗「邊會有人扭呀?」,但相信點古怪都好都唔夠今日介紹呢一款,就係陌生人證件相!

話說日本早前有一部奇怪扭蛋機,入面每一個扭蛋就收埋一張陌生人證件相,從年輕女仔至中年大叔都有,300日圓一個嘅扭蛋清一色都係非常正經望實鏡頭,背景係純色壁報板,完完全全係標準證件相。估唔到如此意義不明嘅扭蛋一星期就火速被扭晒400多個,大受歡迎!設計者寺井廣樹話「兩年幾嘅疫情大家長期戴口罩,好耐未見過其他人嘅面,希望大家珍惜可以面對面嘅機會。」目前寺井廣樹仲收集緊新一批證件相,仲話已經收好多人自薦提供自己嘅證件相呢!

連日本傳媒都有報道,以證件相作為扭蛋真係聞所未聞。
(圖:網絡圖片)
連日本傳媒都有報道,以證件相作為扭蛋真係聞所未聞。 (圖:網絡圖片)
每個扭蛋承惠300日圓,一星期400多個扭蛋就被扭晒。
(圖:網絡圖片)
每個扭蛋承惠300日圓,一星期400多個扭蛋就被扭晒。 (圖:網絡圖片)
長期戴口罩,大家好耐未正式同人面對面了。
(圖:網絡圖片)
長期戴口罩,大家好耐未正式同人面對面了。 (圖:網絡圖片)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

俄烏戰爭|良心酒店!俄籍老闆為烏克蘭難民提供免費住宿

環球趣聞|墨西哥前總統專機太奢侈 開放公眾借用私人用途

日本旅遊|港女日本踩入花田影相 網民狂鬧「扮唔識睇漢字?」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能