環球趣聞|東京「趕稿Cafe」顧客唔完成工作唔准走?

「原稿執筆Cafe」有10多個獨立座位,適合Deadline Fighter。
(圖:官方網站)
「原稿執筆Cafe」有10多個獨立座位,適合Deadline Fighter。 (圖:官方網站)

去咖啡廳坐低飲咖啡從來都係好Chill嘅事,就算係去工作都總係舒適又方便。不過東京就有一間Cafe係專門畀「拖延症」客人使用,更有「專人」嚴格篤促你工作!

「原稿執筆Cafe」有10多個獨立座位,適合Deadline Fighter。
(圖:官方網站)
「原稿執筆Cafe」有10多個獨立座位,適合Deadline Fighter。 (圖:官方網站)

位於高圓寺嘅「原稿執筆Cafe」,有10多個獨立座位,客人多數係作者、編輯、漫畫家、企業白領等工作者,入座前要填寫自己今日嘅目標,例如要完成幾篇文章、完成一份Proposal等,並挑選嚴厲程度。如果係「輕度」的話,店員只會間中過嚟詢問你進度、提醒一下你時間;「普通」的話店員則每個鐘前來檢查進度;「嚴格」的話店員會無時無刻於你背後篤促,帶畀你無盡壓力。Cafe老闆本身都係一位作家,所以深明拖延症痛苦,仲話客人去到Cafe,原本1日嘅工作3個鐘就完成,3個鐘嘅工作1個鐘就完成。

「嚴格」的話店員會無時無刻於你背媭篤促,帶畀你無盡壓力。
(圖:官方網站)
「嚴格」的話店員會無時無刻於你背媭篤促,帶畀你無盡壓力。 (圖:官方網站)

Cafe擁有高速Wi-Fi、免費充電,另外咖啡、茶水無限任飲,收費頭30分鐘130日圓(約8蚊港幣),然後每小時300日圓。大部分客人都可以於Cafe關門前完成並離去,仲係懷著感激心情呢!

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

日本旅遊|地鐵月台開診所 全日本首間已開業!

環球趣聞|賞櫻季節到 日本東大禁止學生「睇櫻花」惹不滿

環球趣聞|日本扭蛋走火入魔?推出陌生人證件相竟大受歡迎

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能