【生態本地遊】邊境親子遊 3小時輕鬆走動物天堂

【生態本地遊】邊境親子遊 3小時輕鬆走動物天堂
【生態本地遊】邊境親子遊 3小時輕鬆走動物天堂

疫情仍然未完全消除,大家都仲未去得旅行,本地遊絕對係大家一解心癮嘅好方法。其實去到而家已經係秋天,雖然天氣不似預期,仍然未算好清涼,不過今日介紹呢條生態路線,短短2至3個鐘內行完,可以帶埋小朋友一邊行一邊學,非常充實!

邊境遊鳯坑家樂徑

講起沙頭角大家可能都只會知係邊境,不過其實於沙頭角都有一條由政府規劃嘅生態保育徑,當地環境非常適合候鳥及多種野生動物生活,每年春夏兩季都有機會見到鷺鳥呢!就係「鳯坑家樂徑」,大家可以從粉嶺坐巴士直達「鹿頸」站,落車後沿車路東行往「雞谷樹下」,就會去到一條小徑入口,呢度有士多可以買定糧水,就係家樂徑路線起點。

鳳坑家樂徑北臨沙頭角海岸,路線一開始就係沿海而行,全程都有樹蔭,好運的話會望到唔少候鳥於頭頂飛過或樹上徘徊,仲有機會見到佢哋跳入水中搵食呢;就算見唔到,吹下海風,浸下腳都非常爽呢!

於「鹿頸」站下車,直接可以行去雞谷樹下。
於「鹿頸」站下車,直接可以行去雞谷樹下。
起步後就沿海邊一直走,沿途有機會見到鷺鳥。
起步後就沿海邊一直走,沿途有機會見到鷺鳥。
沿途為濕地生態,會見到唔少生物及植物。
沿途為濕地生態,會見到唔少生物及植物。

觀景台賞沙頭角風光

沿海繼續緩緩上行,經過「鳳坑家樂徑」牌匾行多30分鐘左右就會到達一個觀景台,可以於此處睇盡谷埔、雞谷樹下及鳳坑村落,可以如此將邊境區域睇得咁清楚就只有呢個觀景台呢。

天氣好時,甚至可以遠眺對面山頭八仙嶺,而且仲可以清楚望到整片濕地,作為濕地生態環境一幅立體地圖。而觀景台兩邊就係百芳園,小花園種滿小黃花,有唔少昆蟲及蝴蝶於其中。

離開海邊後,走入樹蔭開始上坡。
離開海邊後,走入樹蔭開始上坡。
經過牌匾後,就可以進入鳳坑家樂徑。
經過牌匾後,就可以進入鳳坑家樂徑。
觀景台可以望到整個濕地生態,尤如立體地圖。
觀景台可以望到整個濕地生態,尤如立體地圖。

3公里快閃落山

經過百花園後,大家一直行就會見到緩緩下坡嘅落山路段,同樣兩旁都有樹蔭,而且只得一條路直行就啱,唔會怕行錯。不過溫馨提示此處蚊患嚴重,如果前一、兩日有落過雨的話就建議唔好去住,平時都要做足防蚊措施,以免餵蚊呢。一直行到新娘潭路南坑尾,再沿返雞谷樹下方向就可以去到鹿頸總站,乘車離開。

離開觀景台,走另一邊就可以下山。
離開觀景台,走另一邊就可以下山。
落山只有一條路,唔怕行錯,而且十分易行。
落山只有一條路,唔怕行錯,而且十分易行。
落山後行返去鹿頸站,此處有士多可以坐低食碗麵飲杯奶茶再離開。
落山後行返去鹿頸站,此處有士多可以坐低食碗麵飲杯奶茶再離開。

鳳坑家樂徑

交通:粉嶺站乘56K巴士到「鹿頸」站下車

路線:鹿頸>雞谷樹下>鳳坑家樂徑>觀景台>新娘潭路

行程:全程約3公里,約3小時走完

鳳坑家樂徑
鳳坑家樂徑