【生活係最好嘅教科書】你的品德如何,你的子女也必如何!

親子王國 Baby-Kingdom.com

撰文:茄莉姨姨

【親子王國分享】

帶著囝囡外出耍樂,你最怕遇到咩情況?永遠排唔到嘅遊樂設施?衛生環境有待改善嘅活動場所?定完全無秩序可言嘅情況?其實我諗作為家長,以上任何一種情況都通通唔想遇到,咁到底要如何解決以上問題,而不失霸氣呢?



遊樂設施排唔到?咪試下閒日去囉,衛生環境唔理想?咪轉場再玩過!但講到無秩序,有時候真係避無可避,因為秩序呢兩個字看似容易,但原來人人理解都唔同;就好似呢位JM提到帶囝囝出去玩嗰陣,排晒隊都被推撞,基於自己小朋友年紀比較細,而對方家長又視而不見,喺屢勸不改嘅情況下,唯有敗走。咁到底又係唔係正確做法呢?小朋友會唔會因為呢種避之則吉嘅做法,變成懦弱怕事?

對於呢種情況,網友們都覺得必須要出聲,反應甚至係鬥智鬥力嘅訓練:「我最鍾笑住同呢d小朋友傾下計,了解下佢地既唸法,地點解咁鍾意推蹱。」、「呢個世界唔係非黑即白既,走都可以係保護既一種,事後解釋都好緊要」、「父母唔教,遲早自己受返」,當中有網友就引述咗一段校長嘅說話,若果遇到類似情況,首先應該引導自己小朋友表達當時情緒,等佢學習遇到不公平要表達自己,如果對方依然無動於衷,喺衡量情況下,例如大家實力太懸殊,就應該避重就輕,唔係因為驚而逃避,教識小朋友據理力爭之餘,要識保護自己。

聽完之後,不禁令人反思到教導小朋友呢場大學問,其實生活就係最好嘅教科書!

即上討論區一齊傾


即睇下一篇:小朋友咳嗽難斷尾?醫生:家長要學識幫小朋友咳痰!

其他內容