產後谷胸復工 岑麗香餵人奶 每日瞓得4粒鐘

·2 分鐘文章
岑麗香稱身形未回復最弗狀態。
岑麗香稱身形未回復最弗狀態。

早前誕下細仔的岑麗香產後首次復工,谷胸現身的她稱仍未成功收身,又自爆會餵BB食人奶及奶粉,每日睡眠不足4小時!

岑麗香、陳自瑤(YoYo)、吳業坤、張頴康、商天娥、龔慈恩、黃文意等,昨日到電視城宣傳無綫新劇《寶寶大過天》,男主角馬國明因身在內地而未能出席,期間透過電話訪問,笑言被公司急召,很快返港跟大家見面。

谷胸上陣的香香誕下細仔後首度現身,坐完月不久的她身形甚弗,但自嘲收身未成功,家裏只得一條褲「啱身」。首次演媽媽的她表示:「記得有場戲送個女返學,佢一開始返學係咁喊,到後來習慣咗,就好快咁同我講聲bye就擰轉頭走,當時我要演繹又想笑又想喊,但自己未經歷過。到呢幾個月,2歲幾嘅大仔返學就係咁,好唔捨得,但又感動佢大個仔。」

陳自瑤素顏拍劇

談到劇中有囡囡,問到現實中可想追個女?香香笑言:「畀我搞掂呢個先,聽神嘅安排,順其自然。依家呢一、兩個月最忙,唔好諗住。」現時餵人奶及奶粉的她坦言,每日只能「斬件式」睡3至4小時,幸好有老公強強幫手:「佢會擺定啲奶粉,又預備晒奶樽,用最快嘅速度餵奶。」

而YoYo表示於劇中有多場情緒崩潰的內心戲,感激拍檔張頴康鼓勵:「佢話我個角色好有發揮,叫我加油,仲話會喺側邊back up我。」並指為了飾演師奶角色,近乎素顏上陣。又透露7月拍時裝劇,問到是否因得到汪明荃「加持」而多了演出機會? 她笑言無論如何都會多謝對方。至於吳業坤與黃文意演夫婦,問到可有親熱戲?他笑言:「冇,佢話好可惜,我操得咁辛苦。」

陳自瑤感激張頴康鼓勵。
陳自瑤感激張頴康鼓勵。
黃文意低胸上陣,吳業坤目不斜視。
黃文意低胸上陣,吳業坤目不斜視。