用大學名作為菜單 東京便當店爆紅

日本好多便當店,顧名思義就係自家製午餐便當供客人外賣食用,要突圍而出除咗食物本身質素之外,亦要有少少Gimmick!近日位於東京代代木一間便當店就突然爆紅,並唔係佢推出咩全新食材,而係佢利用大學名作為便當名稱!

其實呢間便當店「しょうが亭」開業已經40年,當年代代木周邊有大量補習社,有唔少高中考生都會買便當,店主就將便當店改為「東京大學」、「明治大學」等名校,令考生可以挑選自己心儀大學,食「東大」入「東大」。發展至今有唔少顧客要求希望有其他各間大學嘅便當,其中唔單止係考生,更有唔少係畢業生,表示希望食到「母校的味道」。面對一眾要求老闆都永不Say No,所以幾乎全日本大學便當都齊全,當然名稱同便當食材並無特別關係,不過單單呢樣Gimmick已經夠便當店變紅呢!


東京大學便當為炸豬扒,感覺非常好味。
(圖:しょうが亭@Twitter)
東京大學便當為炸豬扒,感覺非常好味。 (圖:しょうが亭@Twitter)
幾乎全國各間大學都有自己嘅便當。
(圖:しょうが亭@Twitter)
幾乎全國各間大學都有自己嘅便當。 (圖:しょうが亭@Twitter)
便當一做就係40年,唔少顧客由考生食到變畢業生。
(圖:しょうが亭@Twitter)
便當一做就係40年,唔少顧客由考生食到變畢業生。 (圖:しょうが亭@Twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

行山路線-行山好去處-蒲台島-燈塔-佛手岩-牛湖頂

太古投放-800-萬谷全民接種疫苗-大抽獎送-1-萬商場現金劵

行山路線-獅子山-行山好去處-九龍-新界-麥理浩徑-紅梅谷公園-春風亭-交通