用特朗普矛盾言論帖文整拖鞋 90後變出財路

19+

 

社會撕裂,大家都輸?

 

邊會呀。

有分歧先有商機就真。

 

美國90後攝影師Sam,睇中特朗普上台呢個timing,

搵到一條財路。

 

話說侵侵成日用Twitter出post,但係言論間唔中前後矛盾,

例如2012年未當選(甚至未有聲氣佢會選)嗰陣,

佢就出post話美國總統選舉當中嘅選舉人制度係「災難」;

到2016年佢當選之後,就出post大讚呢個制度幾咁好。

Sam話侵侵出過4萬條post,要搵佢自相矛盾嘅說法實在太易,

於是就有個想法︰將呢類矛盾金句做成拖鞋,

一左一右,夠晒諷刺。

2017年9月,Sam一邊打工,一邊用工餘時間製作出第一批拖鞋,

再掟上網站發售。

結果呢批一千對嘅拖鞋,唔駛一個月賣晒!

Sam冇駛錢做宣傳-因為產品本身夠綽頭,

大把傳媒爭住訪問。

但係因為製作好花工夫,Sam得一個人一對手整,

仲要搞埋收柯打、寄貨,所以唔打算大量生產,

 

呢對拖鞋賣30蚊美金(約港幣225元),

Sam會將10%收益捐俾美國關注公民權利團體。

 

香港大把議題市民意見兩極到爆,

有冇搞花市檔口嘅巴打絲打考慮下呢條橋?

得返一個月唔夠,係就快唔好等禮拜!

原文傳送門

你可能還想看