用番舊名 重新出發 江若琳官司纏足7年 搞掂先造人

·2 分鐘文章
江若琳與老公蕭唯展拍拖現身。
江若琳與老公蕭唯展拍拖現身。

一度改名「江伊晴」的藝人江若琳,纏繞約7年的經理人合約官司終有望完結。EQ高的她感恩這段日子有意外收穫,包括嫁到好老公,結婚數載的她一直「封肚」,原來是想「重新出發」後才再次計劃人生。

江若琳昨日與老公蕭唯展及陳柏宇等出席寵物活動,宣布用回舊名,因有感「江若琳」已深入民心。現場見她與老公清減不少,原來兩夫妻目前每日至少跑5公里,蕭唯展更於短時間內成功減去20磅。江若琳大爆老公身體狀況:「佢本來中年發福,又畀醫生驗到高血壓,所以積極減肥。」

本月30日生日的她坦言不會大事慶祝,事關有「煩心事」。記者問到是否經理人合約官司「殺到埋身」,她默認:「希望11月可以解決,跟住重新出發。前後經歷咗7年,不過凡事都有兩面睇,例如我呢段時間嫁咗個好老公,同埋將興趣變為事業,開設貓酒店。」她續說:「其實間中都有劇本搵我,等件事完咗,有啱就拍,或者會將啲經歷寫落首歌推出。(仲敢唔敢簽公司?)No, Thanks!不過隨緣啦,所有嘢個天會安排。(生B沖喜?)唔想下一代同我一齊面對壓力,係都等所有嘢結束先。」

陳柏宇囡囡專抱肥貓

陳柏宇則透露現時家有兩貓一狗,之前養的有部分已離開:「淨低嘅都12、3歲,有隻貓仲要長期病患。囡囡出世之後,有一隻走咗,當時佢仲未識,但識係好事,因為怕失去先會識珍惜。」又指囡囡與家中寵物相處融洽:「佢得廿幾磅,但好鍾意抱起屋企最重嘅貓,隻貓都十幾磅。(如果啲寵物走晒,會唔會再養?)會,養得寵物呢個係必經嘅階段,但養嘅過程值得嘅。」

江若琳希望官司結束後,踏向人生新一頁。
江若琳希望官司結束後,踏向人生新一頁。
陳柏宇指囡囡與寵物相處融洽。
陳柏宇指囡囡與寵物相處融洽。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能