雅虎香港新聞 由機場岀市應該搭咩 五大城市交通攻略
由機場岀市應該搭咩，相信係大家去旅行嘅時候成日都會遇到嘅煩惱，如果以最方便同快來講，一定係搭的士，但價錢相對來講當然比較貴。 如果係以平為本嘅話，好多人都會選擇搭公共交通工具好似巴士同鐵路，但兩者之間嘅收費亦都有可能有好大差距。最近有個外國網站就幫大家分析咗一啲熱門城市嘅機場交通方法，大家不妨參考一下。
1.倫敦 希斯路機場
由希斯路機場出發去市中心，如果搭巴士嘅話呢就需要75分鐘嘅時間，費用就唔超過10英鎊，相比之下搭的士需時45分鐘， 但係價錢就要成60至70磅，梗係搭巴士抵啲。補充一下如果搭的士嘅話信用卡付款都係可以接受嘅。
2. 巴塞隆拿 埃爾普拉特機場
車費方面，鐵路比巴士平少少，速度就慢15分鐘，至於的士就係最快，只需要20分鐘就出都市區，巴士就半個鐘， 如果唔趕時間巴士會係比較好嘅選擇。
3.巴黎 夏爾·戴高樂機場
如果唔趕時間嘅話，地鐵會係交通工具入面性價比最高嘅選擇， 出市區需要嘅時間係40分鐘，比的士平同快。不過如果你到達嘅時間係凌晨一點之後，就只有的士係會仍然提供服務，收費仲分分鐘比起正價貴15%㗎。
4. 曼谷 蘇凡納布機場
香港人成日去嘅曼谷來講，搭地鐵會係最經濟同方便嘅選擇，搭地鐵出市區半個鐘頭內就到，而且價錢仲比的士平好多好多，加上曼谷繁忙時間啲交通經常塞車，所以最好都係搭地鐵最穩陣。
5.紐約 約翰·甘迺迪國際機場
搭巴士需要要個半鐘頭先可以出到市區，搭鐵路亦都需要一個鐘頭，如果想慳返啲時間可以考慮吓搭的士，費用大概40-50美金，但就可以係大概35分鐘入面出都市區。
由希斯路機場出發去市中心，搭巴士性價比最高。
凌晨一點之後的士係由巴黎 夏爾·戴高樂機場岀市區嘅唯一選擇。
曼谷經常塞車，搭地鐵比較穩陣。
相關文章
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
