「由隻腳去到背脊都咁貼」 羅天宇畀胡鴻鈞撩好Enjoy

·1 分鐘文章
胡鴻鈞即場攬住羅天宇大玩「HeHe」!
胡鴻鈞即場攬住羅天宇大玩「HeHe」!

藝人何依婷、胡鴻鈞及羅天宇等昨日出席無綫劇集《十月初五的月光》宣傳,席間宣布劇集首集7天跨平台總收視23.5點。首度做女一的依婷被批評聲線太高,對此她表示:「我自己睇番都覺得有少少嘈,之後有調校過把聲沉壓啲,希望大家畀機會我!」談到有指她近日生活富貴,搬入豪宅兼駕駛半百萬名車,她說:「架車係二手車,啲人成日話我唔使做,其實嗰日去完髮型屋整頭要工作。(搬屋呢?)我真係冇錢買樓,嗰度都係租嘅。」

撐何依婷聲線配合角色

胡鴻鈞及天宇則力撐依婷聲線高只是配合角色所需,對於兩人「HeHe」情令觀眾受落,天宇即爆拍攝時經常被胡鴻鈞撩,胡鴻鈞聞言說:「因為天宇內斂又慢熱,我好鍾意將呢啲人變到好火熱,所以開工時專登去撩佢。」天宇就笑指被撩很享受:「未試過同男仔有咁多身體接觸,仲要由隻腳去到背脊都咁貼,不過佢喺度嘅拍攝氣氛真係好好。」

何依婷首次做女一被批評聲線太高,自認「有少少嘈」!
何依婷首次做女一被批評聲線太高,自認「有少少嘈」!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能