男友來港求婚成功!DJ謝茜嘉閃嫁做摩洛哥人妻

·2 分鐘文章
男友來港求婚成功!DJ謝茜嘉閃嫁做摩洛哥人妻
男友來港求婚成功!DJ謝茜嘉閃嫁做摩洛哥人妻

電台DJ兼旅遊達人謝茜嘉,最近激罕喺社交網放閃,上載與一男子行山相,兩人Sweet爆對望,一睇就知係情人關係!雖然佢只留言:「一場嚟到,影張囉。」不過已引來一大班圈中人包括連詩雅、周柏豪、許廷鏗等派心心讚好!據知,原來男友已向佢求婚成功,恭喜晒!

謝茜嘉突然上載「蜜」照間接報喜!
謝茜嘉突然上載「蜜」照間接報喜!
摩洛哥男友特登來港搵佢!
摩洛哥男友特登來港搵佢!

男友係摩洛哥人,係上年謝茜嘉去當地旅遊認識嘅,兩人擦出愛火花發展異地戀,男友仲喺疫情下排除萬難來港向佢求婚,謝茜嘉終於脫離「盛女」行列,唔止做摩洛哥新娘,有傳仲會離開電台移民當地,兩公婆拍住上搞生意!而最近佢忙緊準備明年1月1日舉行嘅頒獎禮,婚禮將於頒獎禮後先舉行。

兩人上年喺謝茜嘉認識!
兩人上年喺謝茜嘉認識!
發展異地戀!
發展異地戀!

今日佢喺電台分享喜訊,不過佢否認會辭職離開電台:「冇諗過!」佢澄清男友唔係導遊,係朋友嘅朋友,當時帶佢去拍嘢,屋企係做建築材料生意!佢又透露有帶佢去睇張敬軒演唱會,笑言對方想將香港流行曲文化帶返去摩洛哥!

佢仲會嫁雞隨雞移民當地!
佢仲會嫁雞隨雞移民當地!

年過40歲嘅謝茜嘉原名何紀秋,喜愛旅遊,係電台主持及高層,曾為無綫拍攝旅遊特輯《愛在斐濟Bula時》、《茜嘉團遊印度》等,與周國賢、洪卓立及C AllStar等歌手同行,早年更喺台灣宜蘭搞民宿!

同洪卓立曾同遊印度!
同洪卓立曾同遊印度!