男生留低污糟底褲 女副校長check同學底褲邊惹非議被炒

19+

 

返學俾老師搜書包度校服長度check頭髮有冇gel邊個未試過?

不過,有冇著底底都要check?

 

加拿大一間學校,去年6月職員喺男廁搵到一條污糟底褲,

附近地板仲要有大便。

當時校長唔喺學校,於是女副校長搵教務處職員幫手,

透過廣播系統,要求3至6年級男同學留喺課室,

再由副校親自檢查,同學仔要揪條底褲邊出嚟,以證清白。

 

之後就連7至11年級(即香港中一至中五)男生,

喺學校走廊做類似嘅檢查。

 

事件傳出後,女副校備受批評,2日後學校安排佢放有薪假。

到同年10月,正式將佢解僱。

而呢位成為註冊教師4年嘅女副校,亦被當地規管教師嘅委員會公開譴責,

當事人亦都承認自己犯咗專業失德。

 

如果件事發生喺香港,你估啲家長會有咩反應?

教育局又會點處理?個老師會唔會認錯?

原文傳送門

你可能還想看