畀MIRROR傳染「沒有夏天」 周秀娜包到冚 王麗嘉硬搶「峰」頭

周秀娜對於被安排着樽領服飾,笑言也感意外。
周秀娜對於被安排着樽領服飾,笑言也感意外。

性感女神周秀娜近年轉行「封胸」路線,甚少再派「福利」,昨日她出席內衣品牌活動,亦以樽領衫密實登場,結果被同場「胸器」王麗嘉及透視裝上陣的陳凱琳KO!

周秀娜、陳凱琳(Grace)孖胞弟陳浩彰、王敏德女兒王麗嘉及歌手Kerryta等現身活動,其中以王麗嘉最「胸」狠,以黑色喱士Bra襯針織外套,大騷驕人事業線,而Kerryta亦激罕拋胸,相比之下包到冚的周秀娜零睇頭,相當輸蝕。

周秀娜受訪時抵死笑指可能最近與人氣男團MIRROR合作得多,被傳染了「沒有夏天」的思想︰「本身個人好Hot!今次介紹秋冬裝,客戶揀咗呢套。」講到她出海滑水驚現「排骨胸」,她即笑說:「就係費事畀你哋話我見骨,所以先包住!(食多啲嘢?)我有注意自己健康,好鍾意食嘢。」提到她簽約古天樂旗下經理人公司,她承認並說:「專注拍電影為主。(捧你做影后?)咁就好啦!唔係,有角色啱我都會畀心機。(想攞影后?)每個人都想。」

陳凱琳姊弟爭位企

陳凱琳身穿透視裝露黑色Bra兼事業線,談到首次「姊弟檔」出騷,她搞笑「投訴」與對方爭企左邊位︰「我哋都係左邊面靚。(酬勞可觀就出動細佬?)品牌有男裝,老公(鄭嘉穎)要開工,就叫咗細佬。」

另外,王麗嘉自爆與設計師外籍男友Daniel已分手:「拍咗一年覺得唔係好夾,心情OK。(準備迎接新戀情?)唔急。」她正籌備個人服裝品牌,初嘗做老闆娘。

王麗嘉貫徹性感作風。
王麗嘉貫徹性感作風。
陳凱琳首次孖胞弟陳浩彰出席活動吸金。
陳凱琳首次孖胞弟陳浩彰出席活動吸金。